ساويرس: تعبت من طلبات الناس.. والنشطاء: ربنا يجعلك سبب في رزقهم
كشف رجل الأعمال المهندس نجيب ساويرس، مؤسس حزب المصريين الأحرار، عن سر تعبه الذي يعانيه حاليًا، مؤكدًا تزايد طلبات الخدمات التي يطلبها ويريدها الناس منه، مشيرًا إلى أن زيادة طلبات الناس تسبب له التعب والإرهاق، وعدم توافر الوقت له ولعمله وأسرته.
وكتب نجيب ساويرس تغريدة على تويتر قال فيها: "تعبت من طلبات الناس…. كل ما أخدم كل ما تزيد الطلبات ويزيد العشم.. وترهقني… فيصبح وقتي غير ملكي ولا اجد وقتا لنفسي وعملي وعائلتي ! حتى أثناء مرضى….محدش بيصبر على طلبه..".
نجيب ساويرس
وتفاعل نشطاء مواقع التواصل الاجتماعي مع تغريدة نجيب ساويرس فقال محمد سعدون: "ربنا يقويك وتقدر تخدم كل الناس اللي محتاجلك".
ورد وائل السيد: "حدد لعمل الخير أوقات محددة بالشهر مثلا أول ثلاثة أيام بكل شهر لتلقي طلبات المساعدات والخير كدا الناس هتتعود اللي محتاج أي طلب شخصي هيكون بأول ثلاث ايام من كل شهر".
وعلق بيبو:" استاذ نجيب حضرتك رسالتك في الحياه كده.. طلبات الناس حضرتك.. ربنا عمل منك شخصية عظيمة وناجحة عشان عارف إنك هتخدم الناس يابختك باللي ربنا اداهولك انك تكون سبب في رزق الناس دي كلها حقيقي نعمة عظيمة من ربنا يا بختك بالنعمة دي وربنا يديك الصحة وتكمل".
قضاء حوائج الناس
ورد عظيم عش:"قضاء حوائج الناس رزق من عند اللّه يا فندم. قد يكون مُتعِب ولكن أجره كبير من عند اللّه".
وقال علي ياغي:"استاذ نجيب، الله يديمك لعمل الخير وانت سبّاق في هذا المجال.. ودائمًا تذكر "مِن نِعَم الله عليك حاجة الناس اليك".. الحمدلله انك انت لي بتساعد مش اللي بتطلب المساعدة.. الله يعطيك الصحة عشان تفضل تساعد.. تحياتي".
وكان رجل الأعمال المهندس نجيب ساويرس، كتب تغريدة سابقة كشف فيها عن حجم الطلبات التي تصل إليه فقال: "أكتر حاجة بتحز في نفسي إن عدد الطلبات آلاف.. وأي انسان لا يمكن يكون عنده الوقت والقدرة على التعامل معاها كلها.. والناس بتزعل...".
وجاء ذلك ردًا على إحدى المتابعات التي قالت: "مش ملاحظ يا بشمهندس أن أغلبية التويتات بتاعتك الردود كلها طلبات شغل ومساعدات انا بقول اعمل صفحة تانية خصصها للموضوع ده وانا امسكهالك يا سيدي.. لأحسن بأمانة مش عارفه اتابع هنا تعليقات الناس كله طلبات طلبات طلبات بذمتك مش انت زهقت مننا".
فرد ساويرس: "ملاحظ ومش ملاحق لا هنا ولا على الواتساب.... ربنا بيساعد...".
يذكر أن مؤسسة ساويرس للتنمية الاجتماعية أطلقت عدة مبادرات للتشغيل منها مبادرة ساويرس لخلق فرص عمل تشمل مشروعات “اعرفني تقبلني، وتنمية صناعة السجاد اليدوي بأبو تيج، ومشروع تدريب وتوظيف الفتيات والشباب، وأيد على أيد لتخفيف حدة الفقر مرحلة ثانية"، بالإضافة لموقع "شغلني" للمساعدة في التوظيف.
