رئيس التحرير
عصام كامل
Advertisements
Advertisements
Advertisements
Advertisements

مواقع التواصل الاجتماعي تتشح بالسواد بعد وفاة البلوجر أشكيناز السبكي

وفاة البلوجر أشكيناز
وفاة البلوجر أشكيناز السبكي
Advertisements

حالة من الحزن انتابت نشطاء مواقع التواصل الاجتماعي لوفاة سيدة الخير على الفيس بوك البلوجر أشكيناز السبكي، المعروفة بـ"اشكيناز هانم السبكي" على الفيس بوك، بعد أن أعلن زوجها وفاتها، أمس الأربعاء، بعد إجراء عملية إزالة ورم حول أحد الشرايين، وفاجأ متابعيها قائلًا: "سوف تشيع جنازتها صباح اليوم الخميس من مقر أسرتها بكفر محفوظ بمحافظة الفيوم".


وأكد نشطاء مواقع التواصل الاجتماعي أن أشكيناز، سيدة الخير على الفيس بوك، كانت تشارك في مساعدة الحالات الإنسانية وتوفير العلاج للأسر الفقيرة، حيث نعى جمهور السوشيال ميديا أشكيناز السبكي، التي توفيت إثر مضاعفات نتيجة عملية خطيرة أجرتها لإزالة ورم بالقولون.

 

وفاة أشكيناز السبكي

وتوفيت اشكيناز  وذلك بعد إصابتها بسرطان القولون في مرحلة متأخرة، وخضوعها للعلاج من فتره وقد تحدد ميعاد قيامها بعملية ونشرت أشكيناز آخر تدوينة على صفحتها في الفيس بوك قائلة: "صباحكوا خير وسعاده وجبران خاطر ورزق كتييير وكبيير  يااارب العالمين"


وقالت "انا بكتب البوست ده تحت تهديد السلاح  جوزي اجبرني والله..  مش عارفه اجيبهالكوا ازاي بس انا بتحضر دلوقتي عشان اعمل العمليه الي بهرب منها بقالي كتير..  عملولي مسحة كورونا وخرخموا جيوبي الانفيه بس عادي  عملولي تحاليل وقلت عادي  انما يتقالي اجهزي يا مدام هنديكي ملّين وربنا يسهلك قدامنا ف ده تهزيق ومش عادي  انا لا سني ولا لياقتي يسمحوا ان ربنا يسهلي قدام حد.. عيب مش كده انا هانم وجربعه مش هتجربع".

 

جاهزة للقاء الله

وتابعت قائلة: "الخُلاصه..  انا هبقى بين ايدين ربنا كمان شويه ويا عالم ربنا كاتبلي ايه بس هو الوحيد الي عارف اني جاهزه للقاؤه الكريم وحابه انه يشملني برحمته، وزي ما بيتقال وما الدنيا بباقيه لحي ولا حي على الدنيا بباقي..  انا ببري ذمتي من اي شيء وحش وبسألكم بالله ابراء ذمتكم ناحيتي..  عشت معاكوا كتير على فيس بوك حبيتكوا قوي وحافظاكوا وعارفاكوا نااااافر ناااااافر  بتمنى لو حد زعلان مني يسامحني وبتمنى منكم الصدقه والدعوه الطيبه زي قلوبكم..  يشهد الله عالم النوايا اني بحبكم محبه خالصه لوجه الله لا غير وبتمنالكم دوام الصحه والسعاده والخير"


واختتمت تدوينتها قائلة: "المهم انا هقوم دلوقتى عشان شكل الدوا اشتغل وهزروط الدنيا استروا ماشفتوا منى من سوء واتمنى تفتكرونى بالخير  استودعتكم الله العلى العظيم".
     
 

Advertisements
Advertisements
الجريدة الرسمية