رئيس التحرير
عصام كامل
Advertisements
Advertisements
Advertisements

شادي محمد يهاجم مذيع قناة الزمالك | فيديو

فيتو
هاجم شادي محمد، لاعب النادي الأهلي السابق، مذيع قناة نادي الزمالك سابقا أحمد جمال؛ بسبب انتقاد الأخير له.

أسوأ تعليق
وقال شادي محمد خلال برومو حلقته ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "أحمد جمال قال عني أوحش تعليق سمعته في حياتي: مين ده؟! هو بيعرف يلعب؟!".



تاريخ شادي محمد
وتابع: "لما بتاريخي مبعرفش ألعب أمال مين اللي بيعرف يلعب؟!، وأنا راجل حققت إنجازات كبيرة جدًا مع جيل عظيم".

أسوأ شائعة
وأضاف: "أوحش إشاعة طلعت عليا لما مشيت من النادي الأهلي وقالوا أني اتخانقت مع مانويل جوزيه وشتمته.. والكلام ده لا أساس له من الصحة".

وكشف شادي محمد، مدافع النادي الأهلي في لقاء سابق، عن مروره بمشاكل مادية عنيفة أثرت على حياته وحياة أبنائه، خاصة أن مصروفات مدارسهم كانت كبيرة.

صدمات مالية
وقال خلال لقائه ببرنامج "لحظات جريئة" المذاع على قناة "القاهرة والناس": "أول صدمة مالية كانت في البورصة حطيت فيها 100 ألف جنيه وبعد أسبوعين بقوا 250 ألف جنيه فزودت 250 ألف جنيه بقوا 700 ألف جنيه وماكنتش مصدق نفسي فرحت فكيت وديعتين كانوا معايا وحطيتهم في البورصة".

مكاسب كبيرة
وأضاف: "مكنتش مصدق المكاسب اللى بحققها في البورصة بشكل غريب ووقتها كنت باخد مكافأة 1200 جنيه في الماتش، وفي أفريقيا الماتش بـ700 جنيه.. وقلت بقى ده أنا كدة لو الأهلي عايز صفقات أنا اللى أخلصها وأساعد النادي".

انهيار البورصة
وتابع: "في يوم صحينا على خبر في 2008 بتأثر البورصة ببورصة دبي، وقعدنا 6 أيام الدنيا واقعة وخسرت فلوسي كلها".

Advertisements
الجريدة الرسمية