غنوة لثورة 30 يونيو

الخلايا نايمة جـدًا.
إِوْعُوا يِقْلِقها حــد.
ولا ديك يِزْعَقْ ويدّن.
ولا زمّارِة ولـــد.
حِلْمُهُمْ بانت ملامْحُـه.
لما ركبوا ع الحصان.
شَعْبِنَا الله يسامحــه.
إدَّى للشــر الأمان.
من سنة وأكتر شوية.
مصر تحت الاحتلال.
جِه وقَطَّعْ في الهَوِيَّة.
والفنون عنده انحلال.
الخلايا النايمة صِحْيِتْ.
أَلْحَدُونا وكَــفَّرُونا.
أَهْدُوا للآخَرْ حدودنا.
وبِرْيال ودولار باعونا.
الكنال فصلوها عــنَّا.
سينا أصبحت مِيتْ كمين.
قادوا نار بينها وْما بينا.
لأجل ما تشعلل سنيـن.
المقاومة حــق لينا.
ضد كــل الخفافيش.
الجماعة عــار علينا.
يوم مـا نطردهم نعيش.