الحاكم الهمام مهيس ودماغه تمام !
قال محرر هريدي نيوز إن حاكم مصر المبجل اللي عارف مين بيقول إيه وإزاي وفين وامته واللي قاعدين على المصطبه بالليل بيدبروا إيه، كان بيقول كده علشان يداري على عملته السودا اللي عملها من نفسه في إثيوبيا وراح يقولهم ولا يهمنا سد النهضه نهضتنا أكبر وأشمل وأعم.. كان دماغ تمام.
أضاف المحرر أن الحاكم أطال الله عمره لحد الثوار ما يقدموه للعداله كان جاي للجمعيات الأهلية بعد دش بارد في المقطم عشان كده كان مهيس ومش عارف هي دي أول مرة يقابل الناس بتوع المجتمع المدني واللا خامس مرة.
وأكد المحرر أن معلومات وردت له من مصدره الفشار ودا أهم مصدر عنده لأنه كبير الفشارين أن سبب الدش اللي أخده الحاكم من بتوع المقطم أنه بيتكلم من نفسه وكلامه خلي الناس تقلب عليه وتنضم للكفرة بتوع "تمرد".
