شباب "فيس بوك": المصريون يتعاملون مع "تمرد" كحب قبل الزواج

لاقت حركة "تمرد" إقبالا جماهيريا منقطع النظير، وانضم لها ملايين المتطوعين، إلا أن الشباب توقعوا أن يتعامل معاها المصريون باعتبارها حب ما قبل الزواج وعند التصويت في الانتخابات البرلمانية سيصوتون للإسلاميين، "فيتو كافيه" رصدت تعليقات:

سامح سمير : الـ ٢ مليون اللى وقعوا على سحب الثقة من مرسى لو اتعملت انتخابات برلمانية بكرة هينتخبوا الحرية والعدالة، احنا ناس شرقيين، الحب حاجة والجواز حاجة تانية. 

ياسمين ياسمينا: ده بجد ..أو هيقاطعوا ..أو يكسلوا ينزلوا اصلا.

أحمد زيزو: الزيت والسكر يعمل أكتر من كده.

فايز الحويطي: أتخيل شكل كل من بديع وخيرت وباقي العصابة وهم مزنوقين مش عارفين يعملوا إيه في حملة تمرد ولما مرسي يتكلم يقولوا اسكت انت خالص وهو يرد و يقول أنا عايز أحط التاتش بتاعي. 

محمد فارس: حازم أبو إسماعيل: حملة تمرد أمريكية.. أيوه صح عندك حق واسمها نوال. 

أحمد إبراهيم: بلديات الحاجة.

هبة سلام: هو أمريكاني بقى ومدقدق ويفهم عننا وهما في الآخر أهل وعشيرة مع بعض. 

الشينيرال: الإخوان للشعب: اتمرد كمان....عايز أتوب.

شريف العطار: نعزل مرسي الأول وبعد كده نشوف هنعمل إيه... حملة تمرد لكل المصريين.

وائل نبهان: بما إني داخل على امتحانات، أبويا وأمي بيفكروا لتدشين حملة تمرد لسحب الموبايل مني.