شريف مدكور: «فرحان بنفسي وبحب أدلع الستات»
قال الإعلامي شريف مدكور، إنه يكره التكنولوجيا، موضحا: «أنا فرحان بنفسي، وبأرقص بلدي، وناقد لاذع جدا حتى مع أقربائي؛ لأني مبعرفش أجامل حد».
وأضاف خلال لقائه ببرنامج «أنا وأنا» تقديم الإعلامية سمر يسرى، المذاع على فضائية «أون أي»: «زرت طبيب نفسي وسألته ليه في رجالة كتير بتكرهني، فقال لي علشان إنت بتعرف تدلع الستات»، مؤكدا: «أيوة أنا بحب أدلع الستات، ومع ذلك لم أتزوج حتى الآن، ونفسي أتجوز علشان أعمل بيت، وممكن أتجوز لما يكون عندي 50 عاما، ومش عايز أخلف».
وأوضح: «قد أتزوج من سيدة سبق لها الزواج ولديها شباب، وقد أتزوج من سيدة أكبر منى في السن»، مؤكدا أنه لا يوجد تناقض بين الرقص والصلاة وقراءة القرآن.
