بالصوت.. متصلة لأسامة منير: شوفت فيديوهات لجوزي بيعمل علاقات مع رجالة

قالت متصلة للإعلامي أسامة منير في برنامج أنا والنجوم وهواك المذاع على إذاعة إف إم: «بعد جوازي بشهر ونص عرفت إن جوزي بيعمل علاقات مع رجالة زيه ولما واجهته بينكر رغم إنه عارف إني أنا شوفته وأنا قرفانة أعيش معاه».

وقاطع أسامة منير الفتاة قائلًا: «بالراحة كده علشان إنتي خطفتيني.. إنت بتقولي إن جوزك مثلي طيب مالاحظتيش عليه حاجة في الخطوبة؟»، فردت الفتاة: «أنا اتجوزت من غير خطوبة ومحصلش بينه وبيني علاقة خالص بعد الجواز ولسه لغاية دلوقتي عذراء ومقولتش لأهلي على كده.. بس دلوقتي خايفة أرجع بيت عمي علشان بابا وماما ماتوا».

وأضافت الفتاة: «فتحت تليفونه في مرة وشوفت فيديوهات ليه وهو بيعمل الحاجات ديه وكلام مش كويس بينه وبين ناس»، فقاطعها الإعلامي: «كلام إيه بقى بعد الفيديوهات بقى.. أكرملك تبعدي عنه وعن قذارته وتبدأي حياة جديدة ونضيفة وتطلبي الطلاق، وبعلم عمك، وبالكشف عليكِ هايعرفوا لما تطلعي بنت بنوت».