بالفيديو.. مواطن لمحافظ كفر الشيخ: عاوزين نعلم ولادنا بدل ما يهاجروا

اشتكى أهالي قرية الجزيرة الخضراء بمركز مطوبس التابعة لمحافظة كفر الشيخ من نقص المياه وعدم وجودها إضافة إلى انقطاع الكهرباء بشكل مستمر وعدم وجود تعليم في القرية بالإضافة إلى موت الزراعات نتيجة عدم وجود مياه للري.

وقال أحد المواطنين للواء سيد ناصر، محافظ كفر الشيخ أثناء حضوره افتتاح المرحلة الرابعة من تطوير القرى الأكثر احتياجا بمركز مطوبس في قرية الجزيرة الخضراء، «يا ريس نسبة الأمية عندنا 90% وعندنا مدرسة بفصل واحد تضم تلاميذ من 6 سنوات حتى 13 سنة، ومفيش مدرسين، ولا تعليم والترع عندنا فاضية ومفيهاش ميه، وكمان ما فيش مياه للشرب ولا كهرباء».

بينما قال مواطن آخر لمحافظ كفر الشيخ: «يا ريس إحنا عاوزين نعلم ولادنا عشان ميرحوش هجرة غير شرعية ويموتوا في البحر».

جاء ذلك خلال تسليم محافظ كفر الشيخ 30 منزلا ضمن مشروع تطوير القرى الأكثر احتياجا تحت رعاية رئيس الجمهورية، وبالتعاون مع صندوق تحيا مصر وجمعية الأورمان.