أحمد داش: "كنت محظوظ لعملي مع مخرجين فاهمين الشباب" (فيديو)
تحدث الفنان الشاب أحمد داش عن بدايته في عالم التمثيل، وذلك خلال ندوة “حكايات المراهقة والشباب في السينما” ضمن فعاليات الدورة السابعة والأربعين من مهرجان القاهرة السينمائي الدولي على المسرح المكشوف بالأوبرا.
وقال أحمد داش: “تجربتي مع التمثيل بدأت لما كان عندي ١٢ سنة لحد ١٩ سنة كنت بعمل أدوار كل سنة وكنت بحس إني محظوظ جدًّا إني اشتغلتْ مع مخرجين شايفة الشباب من عيون الشباب أنفسهم”.
وتابع: “لأن أغلب الأعمال مش شايفة المراهق دا بيعمل إيه.. أنت بتشوف العمل من عين مخرج عنده ٤٠ سنة مثلًا.. فأنت مش بتشوف المراهق أنت بتشوف المخرج.. بتشوف الراجل اللي عامل الحدوتة في جسم شخص صغير السن”.




وأضاف: “هي دي النقطة المهمة أيًّا كانت الضغوطات أنا ما أقدرش أقول لك الضغوطات اللي على الشباب بحس إن دي حاجة كبيرة أوي.. الضغوطات دي تفرق بين كل شخص والتاني، أنا بالنسبة لي يكون في نظرة حقيقة عن الموضوع اللي احنا بنقدمه”.
وأردف: “بالنسبة لي أهم حاجة احنا بنقدمها كصناع أفلام إن على قد ما الفيلم حقيقي بنقدر نشوف منه ضغوطات الشباب أنا بحس احنا كسينما لازم نبقى شايفين اللي بنقدمه من وجهة نظره الشاب دا".
