«ما إنتي بتتكلمي إنجليزي أهو».. يسرا تمازح هنادي مهنا بعد تصريحاتها في الجونة
مهرجان الجونة السينمائي، أثارت الفنانة هنادي مهنا جدلًا واسعًا في ندوة "المستقبل يتحدث العربية" بمهرجان الجونة، حيث طالبت بالاهتمام باللغة العربية، لكنها دون قصد غلبت عليها اللغة الإنجليزية، فقالت: "اللغة الإنجليزية بقيت مربوطة بالسوشيال كلاس، ودليل إن ده معاه فلوس وجامد، اللغة العربية محتاجة ترجع تبقى هي الأصل، وفينتتج من تاني"، كما أنها أخفقت في ترجمة كلمة "البصمة أو التأثير" باللغة العربية ونطقتها بالإنجليزية.
هنادي مهنا: اللي بيتكلم انجليزي علشان يقول أنه غني.. ويسرا ترد: ما انتي بتتكلمي إنجليزي
قالت هنادي مهنا "إن ناس قليلة أوي هي اللي بقت بتتكلم عربي، وإن اللي بيتكلم إنجليزي بيعمل كده عشان يقول أنا غني"
تلعثم الفنانة هنادي مهنا في اللغة العربية ونطقها بعض الكلمات بالإنجليزية، دفعت الفنانة يسرا لممازحتها، على المنصة، قائلة: "يا حلوة ما إنتي بتتكلمي إنجليزي أهو"
أثار حديث هنادي مهنا جدلًا واسعًا بين النشطاء، البعض أعطاها العذر في عدم قدرتها على التعبير باللغة العربية عما تريد قوله، وآخرين أكدوا على أهمية إتقان اللغة العربية في حالة وجودها في مصر.
علق البلوجر معوض فتحي قائلًا: "هنادي مهني تقول اللي هي عايزاه دي فنانة راقية"
في حين علق البلوجر تيتو علي فقال: "أنا بتكلم 3 لغات وبتكلم عربي ومصري لغتي مع كل العرب والمصرين عادي، اللي بيتكلم انجليزي مع مصريين وهو مصري. ده بيكون استعراض وعايزين يعمل فيها أنهم مفيش منهم"
النشطاء لهنادي مهنا: معذورة والدتها فرنسية
وقالت البلوجر إيمان خديوي: "الفنانة هنادي مهنا بتتكلم عربي مكسر أصلًا.. يبقي حد غيرها اللي يقول كدة وخلينا صريحين وواقعيين إنها اتعلمت وعاشت برا وهي بتتكلم عربي عادي مش حوار الأجانب نفسهم بيقعدوا في مصر سنة أواتنين وبيتكلموا العربي بشكل مقبول"
وردت البلوجر تسنيم خديوي قائلة: "هذا دليل على فهمها ونضج رأيها لأنها رغم أنها عاشت سنين خارج مصر وعاشت سنين تتكلم لغة غير العربيه، إلا أنها فاهمه ومدركة اهميتها"
وعلق البلوجر أحمد ثروت قائلًا: "عدم إلمامها بشكل كبير باللغة العربية خارج عن إرادتها، لأنها عاشت سنين خارج مصر، وهذا لا يمنع تمسكها بإصولها"
وقالت البلوجر سوما زكريا: "معذورة والدتها فرنسية"
أما البلوجر علي واصل فقال: " كلنا مدركين أهمية اللغة العربية اللغة الام ولغة القرآن، لكن هذا لا يمنع أن التعليم بالخارج أفضل.. أحنا معندناش تعليم وإتقان أكثر من لغة دي حاجة مهمة جدا في واقعنا"
وعلقت البلوجر مها صابرقائلة: "مش سهل على الشخص الذي عاش طول حياته يتحدث باللغة الإنجليزية وتعليمه بلغه غير العربيه أن يتكلم اللغة العربي ١٠٠٪. يعني رأيها صح بغض النظر أنها بتتكلم إنجليزي أو لا"
