"السيستم واقع".. أزمة تثير غضب المصريين، وأولياء الأمور يستغيثون: "مش عارفين ندفع مصاريف الإعدادية"
"السيستم واقع"، كلمتان تحولتا إلى مأساة لدى العديد من أولياء الأمور، الذين أرادوا دفع مصاريف استمارات الشهادة الإعدادية، حتى بات التكدس داخل البريد أمر طبيعي، وأصبح الوقوف أمام موظف البريد أمر معتاد، وبات مشهد البؤس على وجوه أولياء الأمور من الأمور المعتادة.
"السيستم واقع" وطوابير مكاتب البريد تثير غضب أولياء الأمور
الحكاية بدأت عند صابر عبد الفضيل، أحد أولياء الأمور، الذي قرر المبادرة بدفع مصاريف استمارة الإعدادية لابنه، وكان الاختيار بالذهاب إلى أقرب مكتب بريد له، بالفعل ذهب صابر، لكنه وجد طوابير من أولياء الأمور واقفين في أماكنهم دون حراك، وعندما استفسر عن سر الثبات في الطوابير دون تحرك، كانت المفاجأة "السيستم واقع".
قرر صابر أن يترك طابور مكتب البريد، ويتجه لمكتب آخر، لكن المشهد كان متكررًا، والرد كان هو نفسه دون أي تغيير "السيستم واقع"، اعتقد صابر أن السر في مكاتب بريد المنطقة في القاهرة، فقرر أن يتحرك وأتخذ القرار بالذهاب إلى مكاتب بريد محافظة الجيزة، وهو في طريقه إلى العمل، لكنه وجد نفس المشهد، طابور كبير، ونفس الكلمات التي أصابته بالإحباط "السيستم واقع".
وهنا قرر صابر اختراق الطابور للوصول إلى موظف مكتب البريد، سأله: "لماذا تتكرر نفس الكلمات السيستم واقع في كل مكاتب البريد؟، وجاء إليه الرد الصادم: "السيستم يعمل ساعة واحدة في اليوم، وبعدها يقع"، والصدمة الأكبر أن البعض يحاول دفع المصاريف عن طريق البريد منذ أيام، لكنه لم يتمكن، والسبب "السيستم واقع"!!
صعوبة تطبيق التحول الرقمي بسبب السيستم
أثارت حالة "سيستم البريد الواقع" حالة من الاستياء الشديد بين نشطاء مواقع التواصل الاجتماعي، الذي عبروا عن مخاوفهم من استمرار "وقوع" السيستم، وعدم تمكنهم من دفع مصاريف استمارة الشهادة الإعدادية عبر "سيستم" البريد.
عبر البلوجر أشرف فهيم عن استيائه، فقال: "ما شاء الله على السيستم في بلدنا، المسئولين عاوزين يطبقوا التحول الرقمي، وهما بقالهم يومين مش عارفين يشغلوا سيستم مصاريف استمارات الشهادة الإعدادية، من امبارح تروح البريد يقولك السيستم واقع، سيستم إيه اللي يقعد يومين مش عارف ترجعه؟!.. احنا لسه بدري علينا أوي.. وزارة التربية والتعليم المصرية".
وعلق البلوجر محمد الحديدي فقال: "بدري قوي، أنا طلع عيني النهاردة من الساعه 10 صباحًا علشان أدفع مصاريف الشهادة الإعدادية لكن السيستم واقع.. ربنا المستعان".
أما البلوجر جورج صبري، فقال: "ربنا يكفينا شر وقوع السيستم. وتلاقي الموظف فرحان فيك".
وقال البلوجر أحمد عبد المؤمن: "بدل السيستم ليه ما يكونش فيه تطبيق ندفع منه مباشرة واحنا في بيوتنا على وزارة التعليم، بدل من الزحام والتعب؟!، كل الدول عاملة كدة".
وردت البلوجر رضوى علي، قائلة: "بالفعل فيه أبلكيشن o pay يتم الدفع بالرقم القومي للطالب وتطبع الإيصال في أي سايبر".
سيستم وزارة التربية والتعليم واقع في البريد
أما البلوجر أيمن بهاء فقال: "حد يعرف سيستم وزارة التربية والتعليم لسة واقع فى مكاتب البريد وللا رجع؟.. بقالنا يومين بنقعد بالساعات ومش عارفين ندفع الوصولات المطلوبة لاستمارة الإعدادية".
وسخر مازن عبد الهادي قائلًا: "يا جماعة الخير السيستم بتاع البريد واقع من الصبح... اللي يلاقيه ياريت يرجعه.... ما حدش ياخد سيستم مش بتاعه المقاسات بتختلف".
أما البلوجر أحمد الصعيدي، فعلق قائلًا: "السلام عليكم، لوسمحتم أنا كل ما أروح أدفع مصاريف ولادي يقولولي في البريد: السيستم واقع.. أعمل إيه؟!، وهل فعلًا صحيح سيستم وزارة التربية والتعليم واقع؟!، أنا مش قادر كل يوم والتاني أروح البريد لظروفي.. ليه بيصعبوها على الأهالي كدة؟!".
وعلقت البلوجر أمل خضر قائلة: "احنا فضلنا يومين ورا بعض نروح، وزوجي يفضل قاعد جمب الموظف، والسيستم يفتح ويقفل لحد ما مرة صدفت وفتح ودفعنا.. كل حاجه مؤلمة"!!
وقال البلوجر طه أمين: "شعار المرحلة في الإدارة العامة للبريد "السيستم واقع".. واقع على اللي بيحبوه، وشغال زي الفل على اللي مش طايقينه. 26 سنة خدمة علمتني إن السيستم عمره ما كان المشكلة.. المشكلة في اللي قاعد على السيستم".
الطالب عنده امتحان شهادة الإعدادية وولي الأمر في امتحان دبلوم "فن دفع الإيصالات"
وعلق الدكتور محمد عجمي، فقال: "سيستم وزارة التربية والتعليم واقع شيء عادي.. ما منظومة التعليم كلها وقعه وعجبي".
وقال البلوجر مصطفى مرزوق: “ابنك في ثالثة إعدادي؟! ألف مبروك… أنت كدة دخلت الامتحان قبل ابنك. وزارة التربية والتعليم عاملة لولي الأمر امتحان عملي اسمه: ”ازاي تدفع كل شوية إيصال جديد فى البربد وتفضل واقف بالساعات؟"، دفع (استمارة امتحان، مصاريف، إيصال جديد، إيصال تاني، شهاده ميلاد مميكنة معداش عليها اسبوع، طب لو من سنه تبقي فسدت مثلًا)، وكل شوية: "روح البريد تعالي من البريد"، تروح البريد، تقف ساعتين وتلاتة، وفي الآخر الموظف يقولك: "السيستم واقع يا فندم"، يعني أبنك لسه هيمتحن في العربي والرياضيات والعلوم… إنما حضرتك خلصت امتحان الصبر والتحمل والوقوف في الطوابير!، مش ناقصة يتحول التقديم للامتحان نفسه لمعركة أعصاب وطوابير وإيصالات! يا وزارة التربية والتعليم… الطالب عنده امتحان شهادة الإعدادية، إنما ولي الأمر كأنه داخل امتحان دبلومة في "فن دفع الإيصالات"، عايزين تعليم يتطور… مش طوابير تتطور!".
