جدل واسع بين المصريين بعد اقتراح "التموين" استبدال العيش بالفراخ، النشطاء: كفاية استخفاف بالشعب
اقتراح وزارة التموين الفراخ بديل العيش، أثار مقترح إتاحة استبدال حصة الخبز بسلع أخرى مثل الدواجن، مع بحث دور أكبر للسلاسل التجارية في تقديم الخدمات التموينية للمواطنين، حالة من الجدل الواسع بين نشطاء مواقع التواصل الاجتماعي، البعض عبر عن رفضه الاقتراح، مؤكدين أن الخبز أهم، في حين سخر آخرون من المقترح متسائلين "يا ترى الفراخ هتكون مشوية".
ردود أفعال واسعة على مقترح التموين باستبدال العيش بالفراخ
توالت ردود أفعال المصريين على مقترح وزير التموين الدكتور شريف فاروق، الذي تم إعلانه خلال برنامج "علي مسئوليتي"، الذي يقدمه الإعلامي أحمد موسى عبر قناة "صدى البلد"، والذي أكد فيه أنه تواصل مع وزير التموين حول منظومة التموين الجديدة، ليشير وزير التموين إلى أن الدعم سيكون وفقًا لاحتياجات الأسرة، حيث يمكن للأسرة الحصول على فراخ بدلًا من العيش والجبنة.
سخر البلوجر أشرف محمود، قائلًا: "فراخ مشوية وللا مقلية"؟!!
وعبر البلوجر مسعد العجمي عن رفضه، فقال: "كفاية استهزاء واستخفاف بالشعب".
وسخر البلوجر صبري عبد الواحد، قائلًا: "ناخد فراخ وبالباقى بيض!".
أما البلوجر زهرة العلا فرفضت الاقتراح، قائلة: "الفراخ مفيش حد ببشرتها فيتم توزيعها على التموين".
مفيش سمان وللا حمام أو لحم غزال بدل الفراخ؟!
وعلق البلوجر فاروق منصور، فقال: "يعني أول ما الناس بطلت تأكلها وسعرها بقى في التراب تقول بشري.. لا خليها لكم".
أما البلوجر أحمد حجازي، فقال: "سهلة وبسيطة، اللي عنده قطط أو كلاب يأكلها لهم واللي معندوش يبيعها لمربي قطط أو كلاب".
وردت البلوجر ليلي عبد التواب: "ممكن تكون فراخ نافقة ومجمدة.. وأكلها يعمل أمراض.. أرحمونا من أفكاركم".
في حين تساءل طلعت عرفان، فقال: "مفيش سمان وللا حمام أو لحم غزال"؟!!
ورد البلوجر أحمد بسيوني، فقال: "والله كنت متوقع كدة.. هتاكل يعنى هتاكل".
وعلق البلوجر رفعت صادق، فقال: "هي الفراخ هتتوزع إجباري، وطبعًا مجمدة لو فيها خير ما كنتوش عملتوها.. يعني أصحاب محال الفراخ هتقفل"!!
المصريون للحكومة: بالهنا والشفا على قلوبكم، إحنا هنصوم
وقالت البلوجر تماضر علي: "من الشعب المصري لـ الحكومة المصرية ولجميع الوزارات.. من كل قلوبنا وحبنا فيكم احنا هنضحي بأكلنا علشان انتم تعيشوا.. هنصوم علشان نوفر.. علشان انتم تشبعوا كلوا فراخنا وبالهنا على قلوبكم، أهم حاجة عندنا صحكتم ومصلحتكم أهم حاجة انتم تعيشوا مبسوطين وسعداء بالفراخ والبيض.. أظن كدة احنا عدانا العيب وأزح.. احنا مش هناكل فراخ لو حتى طبختوها وجهزتوها.. لا يا حكومة حلال على وزير التموين، بالهنا على قلبك".
وعلقت البلوجر رقية، قائلة: "بشرط تبقى نازلة مشوية على الفحم بتتبيلة المندى والتومية والطحينة، من غير سلطة".
وقال البلوجر محمد شفيق: "ونحن نزف بشرى للتموين، مش عايزينها".
وعلق البلوجر هشام عطية، قائلًا: "الحكومة مع النوتيلا، والشعب مع الفراخ والكل ينبسط".
وعبرت البلوجر هدى رشاد عن رفضها للمقترح، فقالت: "يعني أسرة بأكملها بتاخد عيش طول الشهر هتبدل العيش بفرخة بتتاكل في عشر دقائق"؟!!
وقدم البلوجر ياسر عبد التواب اقتراحا للحكومة، فقال: "طب أنا عندي حل؛ الغوا الفراخ خالص وجهزوا المزارع دى تبقى مزارع عجول وأغنام وماعز، شرط المزارع تكون وسط أراضى زراعية علشان الحيوانات دى ترعى فيها، وتاكل أكل صحى، وبالسباخ بتاعها يبقى سماد للأرض، يبقى صح الناس تاكل لحمة بلدى ومنستوردش من برة حاجة، ونصنع الأعلاف بنفسنا يا ريت.. بحلم أنا صح"؟!!
