نيس يحتفل بعودة محمد عبد المنعم للمشاركة بعد غياب أكثر من 300 يوم
احتفل نادي نيس الفرنسي بعودة محمد عبد المنعم، لاعب الفريق ومنتخب مصر، بعد مشاركته للمرة الأولى عقب تعافيه من الإصابة، بقطع في الرباط الصليبي الأمامي في أبريل 2025 بنهاية الموسم الماضي.
وخاض محمد عبد المنعم مباراته الأولى منذ أكثر من 300 يوم رفقة ناديه أمام فريق جراس وديًا.
واحتفى نادي نيس بعودة المدافع المصري عبر الحساب الرسمي على موقع التواصل الاجتماعي "إكس": "سعداء برؤيتك مرة أخرى ترتدي هذا القميص".
ويحتل نيس المركز الـ14 في جدول ترتيب الدوري الفرنسي برصيد 24 نقطة، تمكن من تسجيل 30 هدفًا واستقبلت شباكه 43 خلال 23 جولة.
محمد عبد المنعم يعلن عودته
وكان محمد عبد المنعم لاعب منتخب مصر ونيس الفرنسي، أعلن عودته للتدريبات الجماعية بعد انتهاء فترة الإصابة بقطع في الرباط الصليبي التي تعرض لها.
عودة عبد المنعم
وكتب محمد عبد المنعم عبر حسابه بموقع فيس بوك: “الحمد لله دائمًا وأبدا انهارده أول يوم تمرين ليا بعد فترة هي الأصعب في حياتي دخلتني في اكتئاب وتوتر من المستقبل خلتني اشوف مستقبلي بشكل مختلف عن اللي كنت بحلم بيه بس التفكير هنا طول الوقت مش هسيب حلمي واني اقدر اعدي أي مرحلة صعبة حسيت بكمية الحب والتعاطف والدعم معايا لما حصلت الإصابة وده اتأثرت به نفسيا بس في نفس الوقت خلاني احس بالمسؤولية كنت بشتغل وهدفي قدام عيني هرجع تاني واكون عند حسن ظنهم ومن هنا حسيت ان كل حاجه أنا وصلتلها مكنش شطارة مني ده كانت ترتيبات ربنا ليا قربت منه أكتر حسيت بالرضا”.
وأكمل الدولي المصري: “حسيت إن ربنا بيقولي متقلقش أنا جنبك ومش هسيبك ف ارتحت وهنا التفكير اتغير لما حسيت بالرضا النجاح مهم جدًا بس الاهم منه هو علاقتك مع ربنا ومن اهم النعم الناس اللي بتحبك بصدق واللي وجودهم في حياتك بيخليك إنسان أحسن، اتعلمت ان اكون حامد من غير شروط اسعي واشتغل واتعب بس في نفس الوقت احافظ علي كنوزي الحقيقية اهلي وأصحابي والقلوب اللي بتقف جنبك في كل لحظة لأن دول اللي بيفضلوا يوم ما تتعب او تمرض او حته ترحل واللي بيفضل فعلا هو الذكري والدعوة الحلوة واللحظة اللي بتبقي اثر في قلب كل واحد”.
وختم: “لأن الاستثمار الحقيقي هو الاستثمار في الذكريات بيخلي اللحظات تعيش فوق عمر الانسان شكرا من قلبي لكل واحد افتكرني وبعت كلمه او دعا لي وجودكم حواليا بيكبر المعني ويطول عمر اللحظات الحلوة شكرا على دعمكم”.
