كهربا يكشف لأول مرة كواليس أزمة فرح أخته ورد فعل الخطيب وكولر (فيديو)
كهربا، كشف محمود عبد المنعم كهربا لاعب النادي الأهلي، كواليس الأزمة الحقيقية في غيابه عن مباراة الأحمر ضد ميدياما بسبب حفل زفاف شقيقته.
تأجيل كهربا حفل زفاف شقيقته
وقال كهربا خلال الجزء الثاني من لقائه ببرنامج "أسرار" الذي تقدمه الإعلامية أميرة بدر بقناة "النهار":"فرح أختي أنا أجلته لمدة 4 شهور بسبب ارتباطات مع النادي الأهلي ومنتخب مصر، ودي أختى الوحيدة وخيرها عليا جامد جدا وكان نفسي أكون موجود معاها واللاعيبة كلها تكون معايا".
إذن كهربا من كولر
وأضاف:"أنا حددت ميعاد فرح أختي قبلها بشهرين وكنت ساعتها مع منتخب مصر ببطولة أمم أفريقيا، والفرح كان له تجهيزات واتكلمت مع المدير الفني مارسيل كولر واستأذنت منه واتكلمت معاه والدنيا كانت تمام، ومفيش مشكلة بيني وبين أي حد في النادي".
دعم كولر لكهربا
ولفت:"كولر ساعدني أرجع ألعب تاني أساسي وعمل ليا برنامج مخصوص علشان أرجع تاني، وفعلا قال لي أنت رقم 3 ولازم تجتهد في التمرين علشان ترجع تاني أساسي، وعندنا مفيش حاجة اسمها أحسن من حد والمجتهد والملتزم هو اللي بيلعب".
العلاقة بين كهربا وكولر والخطيب بعد أزمة حفل الزفاف
وأكد:"فرح أختي معملش شرخ ما بيني وبين كولر وعلاقتي به كويسة جدا ومفيش مشاكل خالص، أما علاقتي بالكابتن محمود الخطيب فهو بالنسبة لي الأب الروحي ليا وبتعلم منه وأكتر من ساندني في الكورة بنصايحه وغير من شخصية كهربا بيتكلم معايا كتير لازم تبقى أهدأ وتركز في الملعب وبينقلي خبرته وساعات يقعد معايا يتكلم 10 دقايق، والكابتن الخطيب أكبر داعم ليا ولما بتكلم عنه لازم أقعد محترم وهو شخصية محترمة ولما بطلع في الإعلام باخد إذنه وهو بيقولي دايما خلي بالك من كلامك".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
