كهربا يكشف لأول مرة تفاصيل سداد غرامة الزمالك (فيديو)
كهربا، قال محمود عبد المنعم كهربا لاعب النادي الأهلي: "جمهور الأهلي بيعرف إزاي يعصب شيكابالا والكلام ده من زمان، وبيخرجوه بره المود علشان يقللوا مستواه".
مشكلة كهربا مع جماهير النادي الأهلي
وأضاف خلال لقائه ببرنامج "أسرار" الذي تقدمه الإعلامية أميرة بدر بقناة "النهار": "جمهور الأهلي عمره ما بيغلط في حد، وهو رد فعل في أزمته مع شيكابالا وهو عمل حاجات بتخلي الجماهير تغضب منه".
طموح لاعبي مصر
وتابع: "الأهلي طموح لأي لاعب في الزمالك ومصر وإفريقيا، وانا لعبت مع الزمالك ومحستش إنهم بيربوهم على كرة الأهلي، وسر نجاح الأحمر الجماعية إنما الزمالك لاعب النجم الأوحد ولما كنت هناك كنت النجم مش شيكابالا".
القصة الكاملة لغرامة كهربا
ولفت كهربا: "أنا مكنتش ناوي ادفع الغرامة للزمالك وكان ممكن يقعد سنتين تاني والعب، بس رئيس الزمالك حسين لبيب شخصية جميلة ومحترمة قربنا المسافات واتكلمت معاهم وسددت في الوقت اللي ربنا عايزني اسدد فيه وربنا نصرني في الموضوع واحنا كرجالة بنعرف نعمل فلوس وربنا بيكرمنا، وكانت هتزيد بعدها بأسبوع".
وأكد: "والله ما كنت هدفع الفلوس لنادي الزمالك، وكنت هكمل كورة والموضوع كان هيكمل شوية في المحكمة وبعدها كنت هاعتزل، كنت عايز أماطل في الغرامة لإني مظلوم في القضية".
قيمة غرامة كهربا
ولفت: "حب الناس للنادي الأهلي وكهربا خلاهم يساعدوني في سداد الغرامة، ورجل الأعمال المهندس نجيب ساويرس ساعدني وهو حبيبي وشخصية كبيرة واشكره جدا، وانا دفعت حوالي 70 إلى 80% من الغرامة من جيبي والغرامة كلها 76 مليون جنيه.
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
