فيفي عبده: بشتري كفني كل سنة ومكتبتش وصية وهصرف آخر مليم في جيبي (فيديو)
فيفي عبده، قالت الفنانة فيفي عبده: "كله بيفلسع لازم أفكر في التربة أمال هافكر في الكباريه، فيه كل أسرة ناس فلسعت بعد كورونا وبيقولوا الكورونا رجعت تاني الأيام دي، أنا قعدت سنتين مشوفش حد خالص وأول خروجة خرجتها رجعت 39 درجة حرارتي".
معاناة فيفي عبده مع كورونا
وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "من ضمن الحاجات السودة اللي مريت بيها وأنا مقولتش لحد عنها، إني قعدت سنتين مشوفش حد فترة كورونا ولما خرجت من بيتنا رجعت حرارتي 39 قعدت نايمة 10 أيام لوحدي ومعزولة ولا كنت حاسة بسما ولا أرض، وقتها قلت هاروح التربة أو القبر بتاعي لإني مش عايزة أشوف حد وهربا من الكورونا، واللي ورقته تقع في الشجرا خلاص هنروح فين كلنا هنموت".
كفن فيفي عبده
وتابعت: "قلت للتربي أنا عايزة التربة بتاعتي زي الفل وأشوف أنا هنام فين وإزاي، وكفني كل سنة باشتريه من السعودية وأجيبه معايا".
وصية فيفي عبده
وأكدت: "مكتبتش وصية لحد دلوقتي وسيباها على الله وأولادي عندهم قناعة، والنهاردة بتفرج على الجنازات ومستغربة على حال الناس ورأيي إن اللي يموت يصرف لاَخر مليم في جيبه المهم صحتنا إحنا اللي بنجيب الفلوس ومش هنسيب صحتنا كده".
في وقت سابق، ردت الفنانة والراقصة فيفي عبده، على منتقدي تصرفاتها على السوشيال ميديا، قائلة: "اتشتمت كتير جدًّا ومش كل قط يتقال له يا مشمش ولا كل فار يعرف يختار واللي في جمالي يتف على أفعالي واللي مش عاجبها من شعرها أجيبها".
أكسجين فيفي عبده في الرقص
وأضافت خلال تصريحات لـ"إي تي بالعربي": "لو عندي 90 سنة وقادرة على الرقص هرقص ومش هقعد في البيت، ليه تمنع عني الأكسجين أنا بحب الرقص جدًّا وده أوكسجيني".
حب رقص فيفي عبده
وتابعت فيفي عبده: "أقلية جدًّا اللي الحاقدين عليَّ واللي متغاظين مني لكن كل الناس بكل الأعمار بيحبوني في البيوت".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
