أيمن يونس ردا على منتقدي محمد صلاح: ده الوردة اللي بنتعايق بيها (فيديو)
محمد صلاح، قال الكابتن أيمن يونس لاعب نادي الزمالك السابق:"منتخب مصر له كرامة كروية ومينفعش نخرج من دور المجموعات ببطولة الأمم الأفريقية لإنها هتبقى إهانة لكرامتنا الكروية".
محمد صلاح النموذج الناجح
وأضاف خلال مداخلة هاتفية ببرنامج "الحدث اليوم" الذي يقدمه الكاتب الصحفي سيد علي بقناة "الحدث اليوم":"مش عايز تزعل أوى لإن فيه ناس مش مننا عايشين وسطينا وفيه ناس مبيحبوناش وفيه ناس مبيحبوش نجاحك وفيه ناس مبيحبوش يشوفوا نموذج ناجح زي صلاح لما يبتدوا يصطادوا في الماء العكر".
قيمة محمد صلاح
وتابع:"محمد صلاح كبير أوي وأكبر من المهاترات وهو الوردة اللي بنتعايق بيها في العالم كله وبنفخر به، وراجل أعطى لمنتخب مصر في 13 سنة وتاني هداف في تاريخ الكرة المصرية".
ولفت:"واحنا بنثق فيه لما يقول انه مصاب، منقدرش نخون صلاح لإن لو خوننا صلاح يبقى مفيش حد له قيمة في مجتمعنا دي ناس ليها قيمة وصلاح قيمته كبيرة أوي وهو قدام نفسه شايف قيمته قبل ما يشوفها في عيون الناس".
الأب الشرعي لمحمد صلاح
واشار:"الأب الشرعي لمحمد صلاح هو اتحاد الكرة وأول واحد يطمئن عليه ويخاف عليه هو الاتحاد اكتر من أي نادي، وهو احسن لاعب في العالم لذلك كان المفروض نتفاوض ونجيبله أحسن دكتور في العالم".
روح محمد صلاح
واستطرد:"روح محمد صلاح محترمة ورياضية لما يقول عايز اجهز والعب النهائي لو تأهل المنتخب، الناس اللى بتقوم بالتشويه والمتطرفين واللي يقولك اصل لما صلاح اعلن انتمائه لنادي في مصر النادي التاني بيشتغل عليه ومش طايقه كل ده كلام هواء وصغير أوي لا يليق بمجتمعنا".
اداء فيتوريا السئ
وأشار:"اسوأ ما في منتخبنا اسلوب ادارة فيتوريا للمبارتين وهو طلع اسوء ما في اللاعيبة ومطلعش لا امكانياتهم سواء الجماعية او الفردية، ومنقدرش نلوم أي لاعب، وصلاح دخل في الزحمة وغيب زيزو وترك النني لوحده".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
