سوسن بدر تقدم كشف حسابها في 2023، وهذه أمنيتها للعام الجديد
سوسن بدر، تمنت الفنانة سوسن بدر أن تنعم بالستر والصحة في 2024 داعية: "ربنا يحفظ عيالنا وبلدنا وكل بني آدم يحقق اللي بيحلم بيه السنة دي".
قرار سوسن بدر في 2023
وأضافت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "القرار اللي اخدته في 2023 إن مفيش حاجة في الدنيا تستحق إننا نزعل عليها أو نزعل منها، ولو حد مزعلك التمس له العذر".
صحة سوسن بدر
وتابعت: "اهتمامي بصحتي في 2023 مكنش كبير بزهق بسرعة، ولكن كل اللي بتمناه اتحقق ولكن عندي الأحلام لا تتوقف".
حب سوسن بدر لأبنائها
ولفتت: "ممكن أرمي نفسي في النار علشان ولادي، ولو حصل واختفيت لمدة ساعة أحب أقعد على كرسي جنب شباك ماسكة كتاب".
خطوات سوسن بدر
وأكملت سوسن بدر: "أكتر شيء بيسحرني الموسيقى والقعدة مع أصحابي، وشغلي، وأنا خطواتي دايما عفوية بس مبحبش أمشي غلط وعمري مندمتش ولكن بتعلم".
وش السعد
وأشارت:"خطوة كانت وش السعد على لما اختارني الفنان نور الشريف علشان أعمل معاه حبيبي دائما، ولما اختارني عادل إمام علشان اعمل سيد الشغال واحلام الفتى الطائر وسلام يا صاحبي".
تعرض سوسن بدر للخيانة
ولفتت سوسن بدر: "اتطعنت بخنجر الخيانة قبل كده، ومفيش راجل أو ست مدقش الكأس ده، وأنا بمشي لما تحصل معايا الخيانة، ومفيش حد السيف أو السكين على رقبتي علشان أعمل حاجة مش عايزة أعملها ".
فن سوسن بدر في 2023
وتابعت: "مش راضية عني نفسي فنيا في 2023 ولكن إنسانيا بحاول أكون راضية عن نفسي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
