ياسمين صبري: اتغيرت من برة وجوة، ومبصرفش على نفسي جنيه
ياسمين صبري، داعب الإعلامي عمرو أديب، الفنانة ياسمين صبري، قائلا: "ابتسامتي مرسومة على وشي وده لسعادتي إني شُفت ياسمين صبري الليلة"، لترد الفنانة: "ميرسي على المقدمة الحلوة دي".
تغير ياسمين صبري
وقال “أديب”: "في السنين اللي فاتت إنتي إتغيرتي كتير.. عملتي إيه، وإيه اللي حصل من 2017 لما قابلتك في مهرجان الجونة؟، تغييرات في الشكل والمضموم".
نجاحات وإعلانات ياسمين صبري
وعلقت ياسمين صبري خلال لقائها ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: "الواحد لازم يتغير من جواه ومن برة والإنسان اللي يفضل على حاله ده لازم نقلق عليه، وأنا أصلا بحب السفر، وبعمل حاجات لمجلات عالمية، واحتكيت بمواقف كتير وجنسيات مختلفة وأمور خلتني إنسانة مرنة أكتر، والمرونة بتخلينا نقدر نتعامل مع كل الظروف، والواحد لما يبقى نفسيا عقله ماشي في حتة واحد بيعاني، وبيدخل في صدامات، وبيكون أعداء وده اللي مخلي جزء من الحاجة اللي بتطورني مرونتي، وأنا بشتغل على نفسي كل يوم، ولما باجي أتغدى باكون باكل لوحدي مش بتفرج على التليفزيون، باتفرج على محاضرة في علم النفس وأنا بستمتع بده، ومش بعمله وأنا مغصوبة ولكن بروح لده، وأنا نفسي عطشانة وبطلب المزيد علشان أطور ذاتي طول الوقت".
أموال ياسمين صبري
وتابعت: "بشوف تعليقات؛ هي بتصرف كل الفلوس دي ليه على اللبس، أنا مش بصرف جنيه، لما الإنسان بيكون واجهة علامات تجارية بتبقى عايزاني أمثلها، وأنا بعمل إعلان بطريقة غير مباشرة، فضل ونعمة ربنا إنه أنعم عليا بالشكل اللي خلاني أكون واجهة، وكملت عليه باللبس وبالاستايل وأنا شخصيا بحب الجمال"، ليعقب عمرو أديب: "إطلالتك بتبهرني.. إنتي إتغيرتي وبقيتي حلوة وإنتي مشرفة بالنسبة لنا".
تعب تصوير الإعلانات
ولفتت: "أنا ممكن أقعد 18 ساعة تصوير علشان أطلع إعلان لمدة ثواني، إحنا بنتعب أوي في تصوير الإعلانات وأنا بحب على طول أنجز أشياء وأحقق نجاحات، والممثل والشخصية العامة ممكن يستخدم نفسه بطرق أكتر بكتير من إنه يكون بس ممثل لازم يبقى براند".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
