بعد وصفه بكومبارس، تامر حسني يوجه رسالة دعم لـ رامي نادر: الكلمة ممكن تموت
حرص الفنان تامر حسني، على دعم الفنان رامي نادر، بعدما وصفه أحد متابعيه بـ كومبارس.
في هذا السياق، نشر تامر حسني عبر حسابه علي موقع الصور الشهير “انستجرام”، منشورا بخصوص أزمة رامي نادر معلقًا: “لفت نظري البوست ده، أستاذ رامي أنت فنان محترم وردك حقيقي راقي، رغم تعرضك لكلام محبط أنت مردتش الإساءة بالإساءة، وده له اعتبار كبير أوي فوق ما تتصور عند ربنا قبل البشر، وممكن تكون جواك زعلت بس أكيد التعليق اللي زعلك ده ممكن يكون سبب في حاجة تفرحك قريب”.
وواصل تامر في منشوره: “وهتشوف كلامي وأنا شخصيًا مكنتش عارف إنك بتمرن تمثيل، وعرفت من البوست ده، وهبعتلك شباب يتمرنوا عندك وأتمنى أقابلك وأتعرف عليك ونفتح باب شغل مع بعض، وأتمنى من الشاب اللي كتبلك كده إنه يراجع نفسه وميحاولش يحبط حد تاني لإن الكلمة المحبطة فعلًا ممكن تموّت بجد ويكون تأثيرها أكبر من السلاح”.
وأضاف تامر حسني: “التعليق السلبي اللي أي حد بيكتبه بمنتهى البساطة وهو في بيته بيضحك، ممكن يكون سبب في قتل حد نفسيًا أو يكون سبب في تدمير أسرة أو سبب في جرح روح كانت فرحانة ومتفائلة وبسببك كل ده اتهد، ربنا يوفقك يا فنان يا محترم”.
واختتم تامر حسني حديثه: “يا شباب خلونا رحيمين على بعض عشان ربنا يرحمنا، عشان كل ما بقيت رحيم في كلامك هتلاقي ربنا بيسخرلك في عز زعلك وإحباطك ناس تفرح قلبك بالكلام الرحيم اللي يقويك على الدنيا”.
علي الجانب الآخر، كان علق رامي نادر علي على تعليق استفزه من أحد المتابعين، والذى تسأل لماذا يعطي رامي ورش تعليم التمثيل وهو كومبارس، وكتب رامي نادر عبر حسابه بموقع فيسبوك: سؤال وقفت أفكر فيه كتير، واتضايقت أكيد بس لاقيته قايل حضرتك، فـ عجبني الاحترام بتاعه.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
