نتيجة الثانوية العامة، النشطاء ينصحون: مفيش كليات قمة والعبرة في لاعبي الكرة
نتيجة الثانوية العامة 2023، يترقب أولياء الأمور وطلبة الثانوية العامة إعلان ظهور نتيجة الثانوية العامة، البعض يتمسك بالأمل في الحصول على مجموع كبير للالتحاق بالكلية التي يحلم بها، بينما نجد آخرون يعانون من القلق والارتباك بسبب نتيجة الثانوية العامة.
ظهور نتيجة الثانوية العامة
وعن نتيجة الثانوية العامة 2023، قدم نشطاء مواقع التواصل الاجتماعي نصائح لكل طلبة الثانوية العامة، الذين يترقبون ظهور النتيجة، مؤكدين لهم أن الحصول على مجموع مرتفع ليس دليلًا على النجاح في الحياة، والمجموع المنخفض ليس دليلًا على الفشل، وقدموا دليلًا على ذلك بالمجاميع التي حصل عليها لاعبو كرة القدم.
قدم سامح البري نصائحه للطلاب قبل ظهور نتيجة الثانوية العامة 2023 قائلًا: "ليس المهم المجموع المرتفع في الثانوية العامة مؤشر، المهم التفوق في الحياة، وفي نتيجة الثانوية العامة للاعبي كرة القدم عبرة، فمجاميعهم تتراوح بين المرتفعة والضعيفة، فشريف إكرامي حصل على 98% في الثانوية العامة، وتريزيجيه حصل على 55%، وحصل محمد ناجي جدو على 86%، وحصل رمضان صبحي على 60.9%، بينما حصل محمد صلاح على 52.5%، وعمر جابر 93%، وانتم عارفين المتفوق في الحياة".
وأقرأ أيضًا: خلال ساعات، وزير التعليم يحسم موعد نتيجة الثانوية العامة 2023
ذكريات نتيجة الثانوية العامة
في حين استعادت خلود حسام ذكرياتها مع نتيجة الثانوية العامة قائلة: "لما بشوف فيدويهات الناس اللي فرحانة بنتيجتها في الثانوية العامة بيجيلي شعور إني اتحرمت من اللحظة دي رغم إني كنت أستحقها، وعملت كل حاجة عشانها وبرضو معشتهاش. الجزء بتاع النهاية السعيدة ده، ضايع من قصة الثانوية العامة بتاعتي، مرمطة وتعب وسهر بس من غير نهاية سعيدة في الآخر".
وقدم أحمد العدوي نصيحة قال فيها: "جبرك لخاطر طالب الثانوية العامة بكلمة مبروك كفاية اوي.. وبلاش اي فضول خالص في الوقت دا (جبت كام وهتدخل أي) والكلام دا حتى لو جايب ٩٩٪ دي حياته واكيد هو لسه مقررش يعني هيدخل اي .. كل اللي علينا بس اننا ندعمه نفسيًا ونجبر بخاطره"
أما مايكل يوسف فعلق على اقتراب موعد ظهور نتيجة الثانوية العامة 2023 قائلًا: "دقائق أو ساعات أو أيام وتظهر نتيجة الثانوية العامة، مش ساعة النتيجة هي اللي حتحدد مستقبلك، لا مجهودك وتعبك السنين اللى فاتوا هو اللي حيحدد، والأهم أن مستقبلك مهما كان اكيد خير ليك مفيش حاجة اسمها كلية قمة وكلية ضعيفة في إنسان هو ترس في عجلة الحياة ومهما كان الترس صغير بس مهم".
وأقرأ أيضًا: نتيجة الثانوية العامة، التعليم تضع اللمسات النهائية لإعلان نتيجة الثانوية العامة 2023
نصائحه لطلبة الثانوية العامة قبل ظهور النتيجة
وقدم عصام بندق نصائحه لطلبة الثانوية العامة قائلًا: "قبل ظهور نتيجة الثانوية العامة أنت محتاج تفهم كلمتين كويس محتاج تفهم أنك عملت كل اللي عليك أنك أدّيت مُهمتك بنجاح مهما كانت النتايج وعواقبها خليك مُتيقن كويس أن ده اختيار ربنا ليك وأن لو الأرض كلها اجتمعت أنها تفيدك بشيء أو تضرك بشيء مش هتقدر ربنا يوفق الجميع"
وقالت نانو مغن: "الثانويه العامه للأسف مهمه عندنا عشان احنا مجتمع مظاهر بنحب نتفشخر دكتور والمهندس وبعد ما نحقق دا وناخد اللقب نصحي على الواقع وعلى ان السوق العمل مش عايز دا خالص لغتك يا معلم وكورسات في التسويق او في مجالات الكمبيوتر بشكل عام، ما عدا كدا فشخره فارغة وبس"
أما أدهم الصادق علام فنصح الذين يعلقون على مجاميع طلاب الثانوية العامة فقال: "بمناسبة ان نتيجة الثانوية العامة هتظهر بعد كام ساعة بلاش جو التقليل من اللي جاب مجموع كبير وتقولوا اعرف واحد بقي دكتور ومتهم في قضية قتل خطأ والمحامي ابو مجموع ضعيف خرجه عشان بس تواسوا اللي جاب مجموع ضعيف وبلاش بردو تحبطوا اللي جاب مجموع قليل الحياة مش متوقفة علي كليات القمة فقط ولا اقولك بلاش تتكلم خالص واقعد ساكت وبطل دوشه"
وأقرأ أيضًا: سبب تأخر إعلان نتيجة الثانوية العامة 2023
نتيجة الثانوية العامة 2023، التعليم تكشف حقيقة وجود أخطاء بها
مفيش حاجة اسمها كليات قمة
وقال خالد أحمد قرشي " بمناسبة ان نتيجة الثانوية العامة ظهرت او لسه هتظهر بعد شوية حابب بس اقول حاجة بسيطة لاخواتي طلاب الثانوية العامة اهم حاجه تعملها بعد ما تظهر النتيجة انك تحمد ربنا عليها مهما كانت حلوة او وحشة وارضي بنصيبك علشان ربنا يراضيك ويديك اكتر من اللي كنت عايزه وخلي بالك مفيش حاجه اسمها كلية قمة وكلية قاع ووحشة ابدا دا كلام بتقوله الناس الجاهلة اللي مش عارفة حاجة كل الكليات كويسة اهم حاجة انك تثبت وجودك في الكلية بتاعتك اللي هتدخلها مهما كانت اهم حاجه انك تكون قمة في المكان اللي انت فيه دا هو اللي اسمه قمة مش الكلية وطول ما انت حمد ربنا ورضيت بالنتيجة بتاعتك تاكد بان ربنا يكرمك وهيعوضك عن اللي كنت عايزه بحاجة افضل 100 مرة ربنا يوفقكم جميعا ويحققلكم احلامكم وتجيبوا المجاميع اللي بتحلموا بيها ان شاء الله"
أما أندرو ممدوح فقدم نصيحته لطلاب الثانوية العامة قائلًا: "قبل نتيجة الثانوية العامة.. خليك عارف: أنت لا تساوى مجموعك ولا نسبتك. مستقبلك الحقيقي مالهوش أى علاقة بدرجاتك. حياتك ونجاحك أو فشلك فيها قصة تانية خالص غير نتيجتك فى الثانوية العامة. بالتوفيق للجميع."
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
