عفاف شعيب: مستحيل أمثل بباروكة زي صابرين وأرفض الأحضان والبوس (فيديو)
قالت الفنانة عفاف شعيب: "والدي كان رافض فكرة دخولي الفن ولما دخلت معهد فنون مسرحية قلت له هطلع مذيعة مش ممثلة، ودخلت مجال التمثيل علشان بحبه من وأنا طفلة".
رأي عفاف شعيب في السينما النظيفة
وأضافت خلال لقائها ببرنامج "العرافة" الذي تقدمه بسمة وهبة بقناة "النهار": "أنا مع السينما النظيفة وماشية بنصيحة أمي لا اتحضن ولا اتباس".
رأي عفاف شعيب في التمثيل بدون حجاب أو بباروكة
وتابعت عفاف شعيب: "مستحيل أمثل من غير حجاب ولا ألبس باروكة زي صابرين، ومينفعش امثل وانا لابسة باروكة والدين لا يتجزأ وهي قالت لي جايلي شغل والمخرج عايزين اطلع بباروكة فقلت لها اسألي شيخ عن رأي الدين فسألت حد متخصص في الدين فقالها وماله وانا معرفش والشيخ هو اللى يشيل ذنب الفتوى لأن أنا مقتنعة".
في نفس اللقاء، قالت الفنانة عفاف شعيب:"اتجوزت رياض العريان وأنا مش بحبه، واتضغط عليا كتير أوي علشان اتجوزه من حسين كمال لما كنت بصور معاه فيلم أفواه وأرانب".
ضغط رياض العريان علي عفاف شعيب
وتابعت:"رياض العريان كان كل شوية يجيلي الأستوديو علي مدى 3 شهور، ويقعد يبصلي وحسين كمال يقولي ده الراجل متيم بيكي، أنا مكنتش حاطة في دماغي جواز واتقدملي ناس كتير أحسن منه وكنت برفض ولكن في النهاية النصيب وراء جوازي منه".
سر زواج عفاف شعيب من رياض العريان
وأضافت:"اتجوزت رياض العريان ووقتها مراته كانت متوفاة ولو كانت عايشة استحالة كنت اتجوزه، قعد يزن علي حسين كمال ومجيدة نجم بشكل كبير، فاتجوزته بعد ضغط، وكل اللى اتقال إنه لبسني الألماظ واخدت منه فلوس كتير كذب وافتراء ومحصلش، ولم أحصل منه علي أي شيء".
حب رياض العريان لعفاف شعيب
وأشارت عفاف شعيب:"أول لما اتجوزت رياض العريان كان راجل كويس جدا وكريم جدا وجدع وبيخاف عليا خوف ملهوش حدود، وكان معاه شنطة بيحط فيها الأوراق بتاعته فكان دايما حاطط صورتين ليا صورة من قيس ولبنى وصورة من مسلسل الأفعى، فمرة بيفتح الشنطة قدام مجموعة ممثلات فكلهم اندهشوا وقالوا وكمان حاطط صورها في شنطتك".
خيانة رياض العريان لعفاف شعيب
وأكدت:"السكرتيرة بتاعت جوزي رياض العريان كانت حاجة مش طبيعية، واكتشفت خيانته ليا معاها لما سمعت مكالمة التليفون معاها وقتها اتصدمت لإن كنا قعدنا 15 سنة متجوزين، بعدها علطول طلبت الطلاق واتطلقت علطول".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
