منة فضالي عن تعرضها للخطف فترة حكم مرسي: 5 أشخاص ببنادق جرجروني من مول وموتوني ضرب
كشفت الفنانة منة فضالي، تفاصيل حادث خطفها والاعتداء عليها خلال فترة تولي محمد مرسي رئاسة مصر، قائلة: "في أول مسك فيه مرسي الرئاسة 5 أشخاص ببنادق خطفوني من مول تجاري وضربوني في الدركسيون، وبعدين رموني على الكنبة اللي ورا".
حادث مرعب لمنة فضالي
وتابعت خلال الجزء الثاني من لقائها ببرنامج "في آي بي" الذي تقدمه الإعلامية أميرة بدر بقناة "هي": "قعدت 5 دقايق علشان أستوعب الحادث وافتكرت إنه مقلب، لكني لقيت 5 أشخاص ومعاهم بنادق وشنطة رصاص وضرب نار والموضوع كان قاسي جدًّا، واترميت من العربية وهي ماشية بعز ما فيها من سرعة وجالي كسر وانا بصور وقتها مسلسل باب الخلق مع الفنان الراحل محمود عبد العزيز، وخدوا عربيتي وكان فيها فلوس ولاب توب بتاعي وشنطة مكياجي وتليفوناتي".
سرقة منة فضالي
ولفتت: "كنت مسافرة إيطاليا ومغيرة فلوس خدوا كل حاجة، حمدت ربنا إن الآلة اللى بيقطعوا بيها الموز كانت على رقبتي وفي لحظة كانوا ممكن يقتلوني، أنا كنت لما أعيط بيضربوني، بهدلوني ضرب شُفت أوحش واسوأ يوم في حياتي وعمري ما هنسي اليوم ده".
تهديد منة فضالي
وأضافت منة فضالي باكية: "ما كنوش عارفين إني منة فضالي لكن بعدين عرفوني من البطاقة لما فتحوا الشنطة وحاولوا يجولي على البيت وهددوني وعلشان كدا عزلت من البيت، وبقيت مستغربة إيه العنف دا والقسوة دي وفي حياتي ما شُفتش كدا، وربنا ما يكتبها على حد، وأمي تعبت أوي بعد الحادث اللي حصلي وخدت وقت طويل على ما تعفيت لإني كنت متكسرة".
مآسي منة فضالي
وتابعت: "ما روحتش لطبيب نفسي بعد الحادث وأنا بحب أعالج نفسي بنفسي ولما بخش تجربة وحشة لازم أعالج نفسي منها بس مبنسهاش وشُفت ماَسي كتير".
حادث عصابة تجارة الأعضاء
واختتمت: "حادث آخر تعرضت له من عصابة تجارة أعضاء حاولت تخطفني في توك توك، فلقيت واحد بتوك توك بيشدني فرُحت جايباه من التوك توك هو واللي معاه وهاتك يا ضرب ومرمطت بكرامتهم الأرض وتلطيش بالجزمة على وشهم وفجأة لقيتهم بيجروا".
نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
