ناهد السباعي: رانيا يوسف نجمة الإغراء الأولى واللي عايز يتجوزني زي ما أنا أهلا وسهلا
قالت الفنانة ناهد السباعي: "بالنسبة لي رانيا يوسف هي نجمة الإغراء الأولى في مصر وتتفوق على غادة عبد الرازق وعلا غانم، بشوفها بتقدم أدواء كتير فيها جرأة وأنا بحبها أوي في الأفلام والمهرجانات".
نجمة الإغراء الأولى في مصر
وتابعت خلال الجزء الثاني من لقائها ببرنامج "VIP" الذي تقدمه الإعلامية أميرة بدر بقناة "هي": "أنا بحب رانيا يوسف ومن أفلامها بحس إنها نجمة إغراء".
رأي والدة ناهد السباعي في ملابسها
وأضافت: "أمي بتقول لي رأيها بهدوء في لبسي وإطلالاتي في المهرجانات، ولو شايفة إني ما ينفعش ألبسها بتعرفني وبتاخد بالها من الذوق العام، ومرات كتير منعتني أنزل بفستان معين وتقول لي خشي البسي حاجة أو البسي جاكيت وما ينفعش تنزلي باللبس دا".
هل تعتزل ناهد السباعي حال أحبت شخصا؟
وأردفت: "لو قابلت واحد وحبيته جدًّا وحسيت إنه الدنيا وما فيها وقال لي بصي يا بنت الحلال مفيش شغل تاني والشغل دا ما ينفعنيش هقول له أنت عرفتني ليه أصلًا، نفسي اللي يحب واحدة يحبها زي ما هي، ولو عايزها محجبة يشوف له واحدة بحجاب، ولو عايزها واحدة مش ممثلة يبعد عن الممثلات، أنا زي ما أنا واللي عايز يتجوزني زي ما أنا أهلًا وسهلًا به".
في الجزء الأول من اللقاء، ردت الفنانة ناهد السباعي، على تبرؤ الفنان محمد رمضان من فيلم "احكي يا شهرزاد"، قائلة: من المستحيل أن أتبرأ من أي عمل فني شاركت فيه".
مشكلة التبرؤ من الأعمال الفنية
وتابعت خلال لقائها ببرنامج "VIP" الذي تقدمه الإعلامية أميرة بدر بقناة "هي": "مش أنا الوحيدة اللي اشتغلت في الفيلم فيه ناس كتير اشتغلت زيي وفيه ناس فخورة ومبسوطة بشغلها، ومش معنى إني غلطت في شغلي أو أدائي إني أطلع وأقول قدام كل الناس أنا بتبرأ وبعتذر للجمهور ده مش صح لإنه لو مبسوط فيه غيره كان مبسوط إنه اشتغل وفيه مخرج اشتغل واجتهد وفيه ممثلين شايفين إن العمل كويس بالنسبة لهم".
رسالة ناهد السباعي لمحمد رمضان
وأكملت: "ما ينفعش أطلع لأخطاء أنا عملتها سواء كان اختياري أو أدائي أو عدم التزامي في أداء الدور بشكل كويس أطلع أتبرأ وأرمي كل مجهود الناس، هذا مرفوض جدًّا بالنسبة لي".
قوة فيلم احكي يا شهرزاد
وتابعت: "أنا مبسوطة وفخورة إني اشتغلت في الفيلم مع ناس كنت بحلم أشتغل معاهم زي منى زكي ومحمود حميدة وسوسن بدر، فيلم كبير ومهم وعايش والناس بتحبه خسارة إن محمد رمضان شايف كده وإنه بيتبرأ منه".
فيلم حرام الجسد
ولفتت ناهد السباعي: "ناس كتير بتشوف إن فيلم "حرام الجسد" جريء جدًّا برغم إني بجلابية طول الفيلم، وشايفة إنه ناجح ودا أول فيلم بطولة ليَّ، وخدت فيه أحسن ممثلة في البرتغال وجوائز تانية، والفيلم قصته وأصله للناس، ولو فيه مشاهد جريئة دا قد يكون طبيعي ولكن بحترم كل الآراء".
مشكلة منى زكي
وعن مشهدها المثير للجدل خلال تعرضها للاغتصاب من أحمد الفيشاوي في فيلم "يوم للستات" وظهور نفس قطعة الملابس الداخلية التي ظهرت في مشهد منى زكي بفيلم "أصحاب ولا أعز" وتعرضت بسببها لهجوم عنيف، علقت: "الناس ما بتهاجمنيش زي منى زكي لأنهم متعودين مني على كده، إنما شايفين منى أختهم وزميلتهم وجارتهم حاطينها دايمًا في المنطقة دي، لكن أنا الناس شايفة مني حاجات ومشاهد جريئة فاتعودوا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
