ناهد السباعي ترد على تبرؤ محمد رمضان من فيلم احكي يا شهرزاد(فيديو)
ردت الفنانة ناهد السباعي، على تبرؤ الفنان محمد رمضان من فيلم "احكي يا شهرزاد"، قائلة: من المستحيل أن أتبرأ من أي عمل فني شاركت فيه".
مشكلة التبرؤ من الأعمال الفنية
وتابعت خلال لقائها ببرنامج "VIP" الذي تقدمه الاعلامية أميرة بدر بقناة "هي": "مش أنا الوحيدة اللي اشتغلت في الفيلم فيه ناس كتير اشتغلت زيي وفيه ناس فخورة ومبسوطة بشغلها، ومش معنى إني غلطت في شغلي أو أدائي إني أطلع وأقول قدام كل الناس أنا بتبرأ وبعتذر للجمهور ده مش صح لإنه لو مبسوط فيه غيره كان مبسوط إنه اشتغل وفيه مخرج اشتغل واجتهد وفيه ممثلين شايفين إن العمل كويس بالنسبة لهم".
رسالة ناهد السباعي لمحمد رمضان
وأكملت:"ما ينفعش أطلع لأخطاء أنا عملتها سواء كان اختياري أو ادائي أو عدم التزامي في أداء الدور بشكل كويس أطلع اتبرأ وأرمي كل مجهود الناس، هذا مرفوض جدًّا بالنسبة لي".
قوة فيلم احكي يا شهرزاد
وتابعت: "أنا مبسوطة وفخورة إني اشتغلت في الفيلم مع ناس كنت بحلم أشتغل معاهم زي منى زكي ومحمود حميدة وسوسن بدر، فيلم كبير ومهم وعايش والناس بتحبه خسارة إن محمد رمضان شايف كده وإنه بيتبرأ منه".
فيلم حرام الجسد
ولفتت ناهد السباعي: "ناس كتير بتشوف ان فيلم "حرام الجسد" جريء جدًا برغم اني بجلابية طول الفيلم، وشايفه انه ناجح وده اول فيلم بطولة ليا، وخدت فيه أحسن ممثلة في البرتغال وجوائز تانية، والفيلم قصته وأصله للناس، ولو فيه مشاهد جريئة ده قد يكون طبيعي ولكن بحترم كل الآراء".
مشكلة منى زكي
وعن مشهدها المثير للجدل خلال تعرضها للإغتصاب من احمد الفيشاوي في فيلم "يوم للستات" وظهور نفس قطعة الملابس الداخلية التي ظهرت في مشهد منى زكي بفيلم "أصحاب ولا أعز" وتعرضت بسببها لهجوم عنيف، علقت:"الناس مبتهاجمنيش زي منى زكي لأنهم متعودين مني علي كده، انام شايفين منى اختهم وزميلتهم وجارتهم حاطينها دايما في المنطقة دي لكن انا الناس شايفة مني حاجات ومشاهد جريئة فاتعودوا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
