ناهد السباعي: ممكن أتجوز مسيحي أو يهودي وكلنا أديان إبراهيمية (فيديو)
قالت الفنانة ناهد السباعي: "لو حبيت واحد مسيحي ممكن أتجوزه ومش فارق معايا إذا كان مسيحي ولا مسلم، ومش هيبقى عائق بالنسبة لي ديانة اللي هرتبط به وشايفة إننا كلنا بنعبد رب واحد وكلنا أديان إبراهيمية".
موقف والدة ناهد السباعي حال تزوجت مسيحي
وتابعت خلال الجزء الثاني من لقائها ببرنامج "VIP" الذي تقدمه الإعلامية أميرة بدر بقناة "هي": "ما أعرفش رد والدتي هيكون إيه لو حبيت واحد مسيحي واتجوزته".
موقف ناهد السباعي من زواج يهودي
وأضافت: "زي ما ممكن أتجوز مسيحي ممكن أتجوز يهودي بس ما يكونش إسرائيلي ولا صهيوني واللي ينطبق على المسيحي ينطبق على اليهودي، وأنا بحب المراسم الدينية في الزواج مش عايزة أتجوز جواز مدني، وبشوف أفراح في لبنان بتعجبني أوي وبيعملوا الزفة بالموسيقى بتاعت أجراس الكنيسة وأذان الجامع".
من يدخل الجنة؟ ناهد السباعي ترد
وأكملت ناهد السباعي: "لو اتجوزت مسيحي أو يهودي هعلمهم الطقوس الإسلامية، وفي الآخر المؤمن الكويس هو اللي هيخش الجنة أيًّا كان مسيحي أو يهودي أو مسلم".
وفي الجزء الأول من نفس اللقاء، ردت الفنانة ناهد السباعي، على تبرؤ الفنان محمد رمضان من فيلم "احكي يا شهرزاد"، قائلة: من المستحيل أن أتبرأ من أي عمل فني شاركت فيه".
مشكلة التبرؤ من الأعمال الفنية
وتابعت خلال لقائها ببرنامج "VIP" الذي تقدمه الاعلامية أميرة بدر بقناة "هي": "مش أنا الوحيدة اللي اشتغلت في الفيلم فيه ناس كتير اشتغلت زيي وفيه ناس فخورة ومبسوطة بشغلها، ومش معنى إني غلطت في شغلي أو أدائي إني أطلع وأقول قدام كل الناس أنا بتبرأ وبعتذر للجمهور ده مش صح لإنه لو مبسوط فيه غيره كان مبسوط إنه اشتغل وفيه مخرج اشتغل واجتهد وفيه ممثلين شايفين إن العمل كويس بالنسبة لهم".
رسالة ناهد السباعي لمحمد رمضان
وأكملت:"ما ينفعش أطلع لأخطاء أنا عملتها سواء كان اختياري أو أدائي أو عدم التزامي في أداء الدور بشكل كويس أطلع أتبرأ وأرمي كل مجهود الناس، هذا مرفوض جدًّا بالنسبة لي".
وتابعت: "أنا مبسوطة وفخورة إني اشتغلت في الفيلم مع ناس كنت بحلم أشتغل معاهم زي منى زكي ومحمود حميدة وسوسن بدر، فيلم كبير ومهم وعايش والناس بتحبه خسارة إن محمد رمضان شايف كده وإنه بيتبرأ منه".
ولفتت ناهد السباعي: "ناس كتير بتشوف إن فيلم "حرام الجسد" جريء جدًّا برغم إني بجلابية طول الفيلم، وشايفه إنه ناجح ودا أول فيلم بطولة ليَّ، وخدت فيه أحسن ممثلة في البرتغال وجوائز تانية، والفيلم قصته وأصله للناس، ولو فيه مشاهد جريئة دا قد يكون طبيعي ولكن بحترم كل الآراء".
وعن مشهدها المثير للجدل خلال تعرضها للاغتصاب من أحمد الفيشاوي في فيلم "يوم للستات" وظهور نفس قطعة الملابس الداخلية التي ظهرت في مشهد منى زكي بفيلم "أصحاب ولا أعز" وتعرضت بسببها لهجوم عنيف، علقت:"الناس مبتهاجمنيش زي منى زكي لأنهم متعودين مني على كدا، إنما شايفين منى أختهم وزميلتهم وجارتهم حاطينها دايمًا في المنطقة دي لكن أنا الناس شايفة مني حاجات ومشاهد جريئة فاتعودوا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
