شهيرة: مبقاش عندي مزاج للفن واعتزلت عشان أقرب من ربنا أكتر
قالت الفنانة شهيرة: "مبقاش ليا مزاج ارجع للتمثيل تاني بعد وفاة محمود ياسين، أصبحت شخصية مزاجية ومش في أي وقت أرجع وأظهر على الشاشة".
شرط شهيرة للعودة للفن
وتابعت خلال لقائها ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "نفسي أرجع للفن بس مش سهلة ولكن فين الموضوع اللي يناسبني، أنا بعيدة من زمان عن التمثيل".
سر اعتزال شهيرة التمثيل
ولفتت: "ابتعدت عن التمثيل في عز التألق والتوهج بس كنت محتاجة أأقرب من ربنا اكتر، لإني كنت حاسة أن الشغل واخدني من ربنا وحسيت اني مش عاملة الواجب اللي يرضي ربنا، وانا مش ندمانة عن الابتعاد عن الفن لإني حفظت قراَن واحاديث نبوية ورجعت للعلاقات الإنسانية تاني".
قرار مفاجئ لمحمود ياسين
وأشارت: "فاجئت محمود ياسين بقرار اعتزال التمثيل، ولم أتناقش معه في القرار ولكن شعرت بأنه القرار الأفضل لأنه اختيار الله لي".
إعجاب شادية
ولفتت: "شادية كانت قابلتني في عيد الفن وأنا باخد جائزة الدولة عن فيلم ضاع العمر يا ولدي وقتها قابلتني مبروك وانتي عملتيه بروحك وشخصيتك انتي، وبعد كده صداقتنا زادت وكانت بتكلمني عن أي عمل بشارك فيه، خاصة اليقين ومخلوق اسمه المرأة".
تردد شهيرة في العودة للتمثيل
وفي وقت سابق، قالت الفنانة شهيرة: "هناك عروض فنية لعودتي للتمثيل وفي البداية أكون متحمسة لها ولكن يسيطر على الخوف من العودة بعد الابتعاد عن التمثيل منذ فترة".
وأضافت خلال لقائها ببرنامج “كلام الناس” المذاع على قناة “إم بي سي مصر”:"أنا مترددة في العودة للتمثيل، والمناخ والمهنة بقت صعبة وبيقعدوا يشتغلوا بالـ20 ساعة واحنا على أيامنا كنا بنقعد نصور أقصى حاجة 8 ساعات في اليوم ومفيش إرهاق ولا إجهاد".
نصيحة عمرو محمود ياسين
وتابعت: "عمرو ابني دايمًا يقول لي صدقيني مش هتقدري والدلع اللي كنتِ بتدلعيه زمان في التصوير مش هتلاقيه لأن التصوير بيمتد لـ20 ساعة في اليوم وأنا مش هقدر على كده".
حزن شهيرة بعد وفاة محمود ياسين
ولفتت: "أكتر حاجة كانت ممكن تخرجني من حالة الحزن بعد وفاة محمود ياسين التمثيل ولكن ظروف الوضع دلوقتِ ما تسمحش".
بكاء شهيرة
بكت الفنانة شهيرة، على الهواء، أثناء حديثها عن الفنان الراحل محمود ياسين، قائلة: "أنا ما بنساهوش ومفيش حاجة تقدر تعوضني عنه".
وتابعت خلال لقائها ببرنامج"كلام الناس" المذاع على قناة "إم بي سي مصر":"متجوزتش لحد دلوقتي وفاة محمود ياسين، ومش عارفة أتجاوز رحيله رغم محاولاتي مش قادرة استوعب وفاته".
معاناة شهيرة
وأضافت:"محمود ياسين ميتعوضش كـ زوج وإنسان، وانا مفتقدة حاجة كبيرة في حياتي وأنا مش مظبوطة ومحطمة بعد رحيله وبحاول أخرج من الحالة دي بس مبعرفش".
الحالة النفسية لـ شهيرة
وأكملت: "ولادي بيهتموا بي وبيحاولوا بقدر الإمكان يطلعوني من الحالة النفسية السيئة التي يعاني منها بعد وفاة محمود ياسين، والحزن بيزيد مع الأيام وأنا قافلة على نفسي".
ونقدم لكم من خلال موقع (فيتو) ، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
