كفارة.. شيرين عبد الوهاب تكشف تفاصيل أزمتها الأخيرة وحقيقة صورتها مع حسام حبيب
كشف الإعلامي عمرو أديب، كواليس مكالمته التليفونية مع الفنانة شيرين عبد الوهاب اليوم، عقب خروجها من المستشفى أمس.
صوت شيرين عبد الوهاب
وقال عمرو أديب خلال برنامج “الحكاية” المذاع على قناة “إم بي سي مصر”: "شيرين عبد الوهاب خرجت من المستشفى امبارح وكان فيه اتصال بيني وبينها النهاردة، واللي لاحظته أن صوتها جيد وقوي، وأول لما قالت ألوو حسيت انها كويسة وعارفة حجم الحب والمودة اللى كانت موجودة ليها وهي في المستشفى".
رسالة شيرين عبد الوهاب
ولفت: "سألت شيرين عبد الوهاب أخبارك إيه قالت لي الحمد لله أظن إنك سامع صوتي، قالت لي كفارة والحمد لله بقيت كويسة دلوقتِ وعاوزاك تقول للناس إني كويسة وتطمنهم عليَّ وقريب هرجع أحسن من الأول كتير، ولو سمحت أشكر كل الوسط الفني والغنائي وكل الجمهور والمحامي ياسر قنطوش علي مجهوده وكل الناس الى اهتمت بيَّ وقريب هيكون ليا حوار وهنتكلم عن كل حاجة
هي شايفة إنها عاشت تجربة صعبة بس هي قادرة تتخطى الأزمة".
صورة حسام حبيب
وتابع: "شيرين عبد الوهاب قالت لي صورتي المنتشرة مع حسام حبيب لا أساس لها من الصحة واحنا ما كناش مع بعض لا فترة وجودي في المستشفى ولا بعد خروجي".
