سوسن بدر: فيلم "الشوق" عمل لي التهاب في أحبالي الصوتية.. ومش حابة أشتغل مع عمرو سعد
قالت الفنانة سوسن بدر: "أكتر دور صعب تعبني كان في فيلم الشوق، وتعبت جسمانيًّا وعصبيًّا لإني كنت بغير صوتي في المشهد من صوت آدمي إلى صوت ذكوري شوية ودا عمل لي التهاب في أحبالي الصوتية ولسه مأثر عليَّ لحد النهاردة".
دور سوسن بدر في مسلسل أبو العروسة
وتابعت خلال الجزء الثاني من لقائها ببرنامج “واحد من الناس” الذي يقدمه الإعلامي عمرو الليثي بقناة "الحياة: "دور الأم في مسلسل أبو العروسة له معزة كبيرة في قلبي، وخليط من كل الأمهات بتوع الطبقة المتوسطة اللي أنا شُفتهم وبحب الشخصية دي جدًّا".
مشكلة عمرو سعد
ولفتت: "عمرو سعد ممثل رائع وجميل وبحبه وعملنا مع بعض عملين في منتهى الجمال بس أنا هادية في اللوكيشن جدًّا وعمرو طبيعته مش هادي وأنا بقلق، ولو توترت مش هعرف أشتغل، فأفضل إني أحتفظ بيه صديق وأنا رايقة وخلينا أصحاب أحسن ومش حابة أشتغل معاه".
