انتصار تكشف عن موقف تسبب في غضب محمد رمضان منها | فيديو
قالت الفنانة انتصار: "كان نفسي أمثل مع الفنان الراحل محمود مرسي، وأحب أشتغل تاني مع كريم عبد العزيز ونيللي كريم وأحمد عز وأمير كرارة".
فيلم انتصار مع محمد رمضان
وتابعت خلال لقائها ببرنامج "الستات" الذي تقدمه مفيدة شيحة وسهير جودة بقناة "النهار": “اشتغلت مع محمد رمضان في فيلم ”آخر ديك في مصر" ونفسي أشتغل معاه تاني لأنه بيحب المسرح وأنا كمان".
لقاء قديم مع محمد رمضان في صغره
ولفتت: "أول لقاء جمعني بمحمد رمضان كان لسه طالب في ثانوي وجالي وأنا عندي بروفة في مسرح البالون مع محسن حلمي والفنان الراحل ابراهيم نصر، وافتكر انه حضر مع واحد صاحبه وكانوا شايلين شنط علي كتفهم وطلب مني محمد رمضان أنه يمثل مشهد أمام محسن حلمي وإبراهيم نصر فأبلغتهم فرفضوا، ووقتها صعبوا عليَّ، فلعبت دور الوسيط وأقنعت محسن حلمى وإبراهيم نصر إنهم يشوفوا موهبته، وفعلًا قام بعمل مشهد تمثلي كويس أوي وقلد محمد سعد وقتها فصفقت له وبالتبعية إبراهيم نصر ومحسن حلمي".
غضب محمد رمضان
وتابعت: "أنا حكيت الموقف دا قبل كده من باب إيجابي في دعم محمد رمضان وهو صغير ولكن هو زعل ليه مش عارفة ولقيته كاتب تعليق مش حلو، وممكن يكون رسالتي وصلت له غلط، ولكن ما كانش نوع من المعايرة".
