ناهد السباعي: بقضي وقت فراغي في الزراعة ومع الحيوانات
قالت الفنانة ناهد السباعي: "أنا بشتغل فيلم ومسلسل في الموسم لكن بجانب كده عندي هوايات تانية بتملأ فراغي زي حب الزراعة وتربية الحيوانات".
زراعات ناهد السباعي
وأضافت خلال لقائها ببرنامج “الحكاية" الذي يقدمه الإعلامي عمرو أديب بقناة “إم بي سي مصر”: "أنا بعشق الزراعة ودلوقتي زراعة بطيخ وأناناس وباذنجان وتفاح وكل الخضروات وبربى حيوانات، أنا عايشة في منطقة صحراوية وزرعت فيها كل الزراعات اللى بحبها".
هوايات ناهد السباعي
وتابع: "من ضمن هوايات صيد السمك ولعب الرياضة خاصة اليوجا والهيلا هوب".
ولفتت: "عندي وقت فراغي مملوء يا بشتغل يا بلعب رياضة يا باكون مع حيوانات البيت والشارع وعندي كلبين وبغبغان".
وكانت الفنانة ناهد السباعي شاركت في فعاليات مؤتمر شارع أليف ووجهت نصائح الجمهور، للتعامل مع الحيوان.
وقالت ناهد السباعي: “إحنا عايزين نوعي أطفالنا بطريقة التعامل مع الحيوانات لأنهم هما الأجيال اللي طالعة وأنا هفضل على طول اوعى الناس أنهم ما يتبعوش وسائل العنف ضد الحيوان”.
