مرتضى منصور: عايزين نوحد يا بيبو.. اللي مش شايف الأهلي هرم يبقى أعمى | فيديو
قال المستشار مرتضى منصور، رئيس نادي الزمالك: "نادي الزمالك مفتوح لأي لاعب طرده الخطيب من الأهلي، شقيق الكابتن إكرامي، الشحات إكرامي شغال في النادي بقاله 15 سنة، وبلاش نفرق، إحنا عايزين نوحد يا بيبو.. ده انت رئيس نادي من أكبر الأندية في أفريقيا، واللى مش شايف الأهلي هرم يبقى أعمى البصيرة".
قيمة الأهلي والزمالك
وتابع خلال مداخلة هاتفية ببرنامج "ملعب البلدوزر" الذي يقدِّمه مجدي عبد الغني بقناة "الشمس": "إحنا عندنا هرمين في مصر؛ الأهلي والزمالك، وجماهيرهما عظيمة".
وأضاف: "في كل بيت واحد أهلاوي وآخر زملكاوي، ومش عايزين نعمل فتنة".
أفضل رئيس ناد
ولفت: "تخيل أنا واخد 5 سنين وراء بعض أحسن رئيس ناد من الأهرام والأخبار ودار التحرير وفيتو، واتحليت بعدها على طول".
