مرتضى منصور يدعو الخطيب لزيارة الزمالك: لو مش هتيجي أنا مستعد أجيلك الأهلي
قال المستشار مرتضى منصور، رئيس نادي الزمالك: "أدعو محمود الخطيب ومجلس إدارته لزيارة نادي الزمالك ولو دعاني أزور الأهلي سأذهب برغم أن إحنا اتشتمنا واتبهدلنا بس علشان وطني مفيش مشكلة، ولو مش عايز تيجي اعملنا دعوة ونزور إحنا النادي الأهلي ونبدأ صفحة جديدة علشان الوطن ومفيش حد عميل أو خائن يوقع ما بينا ولا يعمل فتنة بين الجماهير".
دعوة الخطيب
وتابع خلال لقائه ببرنامج "زملكاوي" المذاع على قناة “الزمالك”: "مد إيدك يا كابتن محمود الخطيب وإحنا اللى مستنيين الرد، والدولة كلها مستنية الرد علشان نعرف مين الوطني ومين اللى بيتمول من بره".
بلاغات ضد الصفحات المتجاوز
واستطرد: "كل الصفحات اللى قلت أدبها على السوشيال ميديا هيتقدم ضده بلاغ يوم الخميس، وبقول للخطيب لو هتبعد عني قيراط هبعد عنك 500 ألف كيلو".
