الكلام على مين.. اعرفوه لو كنتم شاطرين
يا أسمر والحدوته مصرية
يالى دموعك غرقت اسكندرية
طربت أهل بحرى وقبلى
يا جنوبى يا أبو عيون نوبيه
يا كنج يا حلم كل بنيه
فى عشق البنات لك ألف اغنيه
صوتك يفكرنا بطعم البيوت
وقلبك لقلوبنا مساكن شعبيه
سو يا سو والبنت شقية
لما النسيم بيعدى فى العصرية
يونس يصرخ بعلو صوته
قلب الوطن مجروح يا بهيه
لا يهمنى إسمك ولا لونك
يهمنى الإنسان يهمنى الحنية
شجر الليمون غطى الشمندورة
بالطول واللون والحريه
الملك هو الملك أكيد
مكتوب وربك لما يريد
تفضل كدا وسط الدايره
وأحمر شفايف جوا الوريد
