وائل الفشني عن أغاني المهرجانات: ودني بتوجعني لو سمعتها وبمشي من الأفراح لو شغلوها
كشف الفنان وائل الفشني، عن رأيه في أغاني المهرجانات، قائلًا: "أنا مبحبش النوع ده من الأغاني وبيزعجني".
موقف الفشني من أغاني المهرجانات
وتابع خلال لقائه ببرنامج "بالخط العريض" المذاع على قناة "الحياة": "أنا ممكن أسمع كل أنواع الغناء إلا المهرجانات مش بحب أسمعها خالص".
رأي صادم في أغاني المهرجانات
وأضاف: "نوعية أغاني المهرجانات بتضايقني وودني بتوجعني لو سمعته، ولو لقيت فرح مشغل مهرجانات بسيبه وأمشي".
وقالت الفنانة فاطمة عيد: "أنا مليش دعوة باللى بيغنوا أغاني المهرجانات، ودلوقتي كم كبير من الناس بتغنى مهرجانات، وأنا علشان أحكم البلد اللى فاتوها أصحابها يبقى بلعب بالنار وأنا مش صغيرة، ونقابة الموسيقيين هي اللى ليها دور لضبط الوضع الغنائي في مصر".
موقف فاطمة عيد من المهرجانات
وأضافت خلال لقائها ببرنامج "كلام الناس" المذاع على قناة "إم بي سي مصر": "أنا مش بسمع أغاني المهرجانات، ومش هسمع حاجة تنكد عليا".
أغاني المهرجانات
وتابعت: "وكل من هب ودب عايز يغني، ولما بسمع أغاني المهرجانات نفسى بتتسد، اللى عايز يغني يكون صوته حلو علشان حتى الناس تقول الله ينور على الصوت مش تبقى الحكاية سمك لبن تمر هندي".
استقالة هاني شاكر
وأكملت: "الفنان هاني شاكر كان لازم يستقيل بعد أزمة مؤتمر حسن شاكوش، واللى حصل من مشادات ومشاجرات، ونقيب الموسيقيين هو القدوة لينا كلنا".
