فاطمة عيد: أغاني المهرجانات تسد النفس.. وهاني شاكر كان لازم يستقيل
قالت الفنانة فاطمة عيد: "أنا مليش دعوة باللى بيغنوا أغاني المهرجانات ودلوقتي كم كبير من الناس بتغنى مهرجانات، وانا علشان احكم البلد اللى فاتوها أصحابها يبقى بلعب بالنار وانا مش صغيرة، ونقابة الموسيقيين هي اللى ليها دور لضبط الوضع الغنائي في مصر".
موقف فاطمة عيد من المهرجانات
وأضافت خلال لقائها ببرنامج "كلام الناس" المذاع علي قناة "ام بي سي مصر": "انا مش بسمع أغاني المهرجانات، ومش هسمع حاجة تنكد عليا".
أغاني المهرجانات
وتابعت:"وكل من هب ودب عايز يغني، ولما بسمع اغاني المهرجانات نفسى بتتسد، اللى عايز يغني يكون صوته حلو علشان حتي الناس تقول الله ينور على الصوت مش تبقى الحكاية سمك لبن تمر هندي".
استقالة هاني شاكر
وأكملت: "الفنان هاني شاكر كان لازم يستقيل بعد أزمة مؤتمر حسن شاكوش واللى حصل من مشادات ومشاجرات، ونقيب الموسيقيين هو القدوة لينا كلنا ".
