رئيس التحرير
عصام كامل
Advertisements
Advertisements
Advertisements
Advertisements

ريم مصطفى: الطلاق وجعني.. وأنا عايزة راجل بمعنى الكلمة

الفنانة ريم مصطفى
الفنانة ريم مصطفى
Advertisements

قالت الفنانة ريم مصطفى: "إذا أردت تكرار الزواج من جديد فالأمر سيكون صعبًا بالنسبة لي، وعمري ما هقبل الكدب والخيانة في أي راجل عايز يتجوزني.. أنا عايزة راجل بمعنى الكلمة".

 

شروط ريم مصطفى للزواج

وأضافت خلال لقائه ببرنامج "كلمة أخيرة" الذي تقدمه الإعلامية لميس الحديدي بقناة "on e": "أنا بقى عندي وعي وإدراك ومقتنعة أن اللى هيجي ليشاركني الحياة ويسعدني يا مش عايزة أتجوز، أنا دلوقتي سعيدة بنفسي ومكتفية بنفسي وسعيدة بشغلي ومش عايزة علاقة تضايقني أو تدخلني في مشكلة".

 

أزمة طلاق ريم مصطفى

وتابعت: "الطلاق بيوجع ويوم ما اتطلقت حزنت جامد وقلت لأمي لو مكنتش هزعل على أبو عيال وعشرة عمري هزعل على مين، وأنا جسمي بيتأثر بالزعل والمرض بيسيطر عليا".

 

دعم طليق ريم مصطفى

وأردفت: "طليقي هو اللى وقف جنبي في موضوع التمثيل، وكان داعم لي في التمثيل وساعدني جدا ولولاه هو وأولادي مكنتش هعرف أكمل في التمثيل".

 

أبناء ريم مصطفى

واستطردت: "أنا مع ولادي أم بجد وهما أصحابي جدا وعلاقتي بيهم لما الناس بيشوفوها حقيقي بيتخضوا ومش بيقولوا ماما بيقولوا رورا، ومش بعمل حاجة غير برأيهم لأنه بيهمني وهما اللى عاملولي اختبار الكاميرا في الأول".

وكشفت الفنانة ريم مصطفى، في نفس اللقاء، لأول مرة عن تجربة زواجها التي امتدت لمدة 10 سنوات قبل أن يحدث الانفصال بعد طلبها.

 

أبناء ريم مصطفى

وأكدت “ريم”: "اتجوزت واتطلقت وعندي  طفلين عمر وعلي".

 

زواج ريم مصطفى

وأضافت: "اتجوزت صغيرة جدًّا كان عندي 19 سنة والتجربة دي كانت من أهم التجارب اللي في حياتي وعلمتني أهم حاجة تختاري شريك حياتي وأبو ولادي ابن ناس ولكن احنا كنا مختلفين تمامًا ودي كانت مشكلة إنما هو ما كانش وحش".


طريقة انفصال ريم مصطفى

وتابعت: "كنت بقعد اتكلم معاه إننا لما ننفصل يكون بهدوء بعيد عن المحاكم وتربطني بيه علاقة صداقة واحترام بعد الانفصال ويوم لما هبقى عايز آخد رأيه في حاجة هكلمه والحمد لله طلعنا عيال كويسة جدًّا".


فترة زواج ريم مصطفى

ولفتت ريم مصطفى: "قعدت متجوزة 10 سنين واتطلقت علشان كنا مختلفين من السما للأرض برغم إننا عمرنا ما اتخانقنا وما كانش فيه بيننا مشاكل".


أسباب تدفع المرأة للطلاق

وأشارت: "الست ما تقدرش تكمل في الزواج لما يكون فيه عدم إحساس بالأمان أو السعادة، ولو راجل خاين أو كداب فهكون حاسة بعدم الأمان، ولو هو مش هيضيف لي سعادة هنا يجب الانفصال
اتجوزت طليقي عن حب مش زواج صالونات، وأخذنا قرار الطلاق في هدوء وجلسة ودية وقلت له إننا ننفصل طالما مش عارفين نتفاهم ونتفق، وطلاقي كان القرار الصح".

Advertisements
Advertisements
الجريدة الرسمية