محمد رزق: الثقة المتبادلة بين لاعبي أسوان أحد عوامل الصعود للممتاز
نجح نادي أسوان في العودة سريعا هذا الموسم الي الممتاز مرة أخري بعد هبوطه بداية الموسم إلي دوري القسم الثاني واحتفظ أسوان ببعض العناصر التي كانت لها دور كبير في الصعود مره اخري منهم محمد رزق لاعب الأهلي السابق وكابتن اسوان الحالي وثاني هدافي الفريق هذا الموسم برصيد 9 اهداف وقام بصناعه 7 اهداف.
وفي حوار خاص لـ"فيتو"، تحدث محمد رزق عن بعض النقاط التي تهم جمهور اسوان بعد الصعود للممتاز.
- شعورك عقب تحقيق إنجاز الصعود بنادي اسوان للدوري الممتاز؟
طبعا أكيد بحمد ربنا ع الصعود ده لانه بالنسبة ليا شخصيا كبير وحاجه سعيده جدأ لان ده اول موسم ليا في القسم الثاني واصعد بالفريق واكون هداف الفريق فدا طبعا شئ كبير جدا عندي
- ما هي أبرز الأمور التي أكد عليها كابتن بيبو في المباريات الأخيرة من أجل حسمت بطاقة الصعود ؟
ائما كان الاتجاه من الكابتن ان كل مباراه بالنسبه لينا المرحله الجايه تكون مباريات كؤوس وناخد كل مباراه لوحدها ونهتم بكل تفصيله هو بيتكلم معانا فيها من نقط ضعف وقوه للمنافسين
- كيف أستطعت ك كابتن للفريق، منح اللاعبين الثقة خلال المباريات من أجل حسم الصعود ؟
وضوع الثقة والحمدلله كانت دائما متبادله بينا كفريق وده يمكن كان سبب ابرز في تحقيق الصعود وأننا كلنا ع قلب رجل واحد والحمد لله
- هل حصلت على عروض أخرى للرحيل عن نادي اسوان ؟
والله الكلام ف العروض دلوقتي صعب لان لسه لينا ماتشات وعايزين نكمل شغلنا وبعد كده أركز ف العروض اللي موجوده من شهر يناير وربنا يكتب لينا الخير أن شاء الله
- ما هي خططكم وطموحاتكم في الموسم الجديد، في حال أستمرارك مع الفريق ؟
أكيد تفكيرنا الأول في أننا نستمر في الدوري الممتاز، والظهور بشكل محترم، واذا حصل نصيب وقدر النادي يوفر للفريق جو تحقيق طموح أكبر لتحقيق مركز متقدم ف دي حاجة تسعدنا
-رأيك ما هو الحل الامثل للمشاكل المادية لدي نادي اسوان في الدوري الممتاز حتي لايحدث مثل الموسم قبل الماضي ؟
لابد من تكاتف الجميع لحل الازمات المالية قبل بدايه الموسم الجديد، من ادراه ومحافظ اسوان ورجال الاعمال واعضاء مجلس شعب ومحبي النادي وقبل دول بريزنتيشن واتحاد الكوره اللي لازم يهتمو اكتر بالفرق الشعبيه والجماهيرية والدعم يكون اكبر ليهم مش الانديه اللي اساسا عندها دعم كبير
- ماهو الاختلاف مابين الدوري الممتاز ودوري الدرجة الثانية ؟
الاختلاف طبعا كبير من امكانيات انديه ولاعبين وملاعب وتعاقدات وافكار وطموحات الانديه واللاعبين.
