توهت وبعت ساعتي عشان أروح.. أبو جبل يتحدث عن «أيام الكحرتة»|فيديو
قال محمد أبو جبل لاعب منتخب مصر ونادي الزمالك:"أول مرة نزلت القاهرة روحت علي نادي انبي وبعد أول اسبوع لميت شنطتي وكنت عايز أمشي مقدرتش استحمل القعدة لوحدى وكان عمري 15 سنة".
أول زيارة للقاهرة
وتابع خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي":"مقدرتش استحمل اقعد في مكان غريب ومش عارف أي حد ولا بعمل اللى كنت بعمله في القرية، والكابتن امام محمدين رئيس قطاع الناشئين جابني من علي شريط القطار، وقاللى ارجع".
ساعة أبو جبل
ولفت:"لما وصلت القاهرة توهت لما كنت في مدينة نصر، ونادي انبي كان عاملنا شقق بنروح نقعد فيها كناشئين صغيرين فركبت مواصلة غلط روحت مدينة السلام، والفلوس ضاعت مني والشنطة وكان ربنا مديني ساعة بعتها 10 جنيه علشان اعرف اركب مواصلة وارجع البيت ومكنش معايا تليفون اكلم حد".
تليفون أبو جبل
وأكمل:"اشتريت تليفون لما ربنا كرمني وكبرت شوية".
وقال محمد أبو جبل، حارس مرمى منتخب مصر، في تصريحات تليفزيونية سابقة: "زجاجة المياه والمعلومات اللي عليها مش وليدة الصدفة ولا من وحي الخيال ولكن فيه جهاز محترم بيؤدي بضمير، والمعد الفني وعصام الحضري".
طلب عصام الحضري
ولفت: "عصام الحضري طلب من المعد الفني تحليل للاعبي المنتخبات وكيفية التصويب وأكثر الأماكن اللي بيسددوا فيها سواء في الركلات الحرة أو ركلات الجزاء".
اختراع الحضري
وأشار: "زجاجة المياه عليها معلومات عن كل اللاعبين وهي مش سحر واللي اخترعها عصام الحضري، وحللنا وذاكرنا كل لعيب على مدار الـ 3 شهور بيشوط فين وبناء على ذلك كنت بتوقع تسديدته في ركلات الجزاء، وأنا مش ساحر ولكن الموضوع مرتبط بنواحي علمية".
وكانت "زجاجة البركة" التي كان حملها محمد أبو جبل، حارس منتخبنا الوطني، المدون عليها معلومات عن طريقة تسديد اللاعبين الكاميرونيين، حالة من الجدل على مواقع التواصل الاجتماعي خلال الساعات الماضية.
زجاجة محمد أبو جبل
وحمل محمد أبو جبل، حارس المنتخب المصري زجاجة مياه خلال ضربات الترجيح أمام الكاميرون مدون عليها الزوايا التي يسدد فيها كل لاعب، ما أهله لصد اثنتين منها، وبالبحث في تاريخ المواجهات الكروية عالميًّا، تبين أنها ليست المرة الأولى التي يستخدم فيها حارس مرمى هذه الحيلة لمعرفة طريقة تسديد الخصم، وهي حيلة مسموح بها في كرة القدم وليست مخالفة للوائح وقوانين اللعبة.
رسالة كيروش للاعبين
وجه كيروش المدير الفني لمنتخب مصر، رسالة قوية للاعبي الفراعنة بعد الخسارة من السنغال بركلات الترجيح في بطولة أمم أفريقيا.
ونشر الموقع الرسمي لاتحاد الكرة رسالة خاصة من كيروش: شباب منتخب مصر ليس لدي سوى بعض كلمات متواضعة لأشاركها معكم من أعماق قلبي أشعر بالفخر بكم جميعا وأشكركم جزيل الشكر على كل ما فعلمتوه من أجل منتخب مصر.
