حمو بيكا يهدد نقابة الموسيقيين: "إنتوا ظلمة.. وهوصل صوتي لمجلس النواب" | فيديو

بثَّ مطرب المهرجانات حمو بيكا مقطع فيديو عبر صفحته على موقع التواصل الاجتماعي "فيس بوك" عبَّر فيه عن حزنه الشديد لما حدث معه من قِبل نقابة الموسيقيين.

وقال بيكا: "هناك ظلم وافتراء من قبل النقابة، وأنها تمنعني من الغناء داخل مصر بلدي، وأنا ورايا ناس بتأكل عيش".

وأضاف: "هوصَّل صوتي لمجلس النواب، وهوريكم أنا ورايا كام واحد بيأكل عيش".

وتابع: "أنا لا أعرف القراءة ولا الكتابة، والناس أحبتني لأن قلبي أبيض، وعمري ما نسبت النجاح لنفسي كما تدعي فرقتي".

وقال مؤدي المهرجانات حمو بيكا في وقت سابق خلال لقاء له ببرنامج "مصر جديدة": "فيه ناس في نقابة المهن الموسيقية بتبعتني أفراح بدون أجر، وكنت بقول حاضر ونعم وأنا حاسس بالظلم".
 

الغناء بدون أجر

وأضاف: "كنت بخاف أرفض طلبات بتوع النقابة في الغناء بدون أجر ليوقفوني وما أشتغلش تاني".
 

ظلم حمو بيكا

وتابع: "النقابة بتبعتني أفراح بدون ما آخد أي فلوس، وأبقى طالع من الفرح اللي تبعهم وأطلب منهم أروح فرح خاص يقولوا لي لأ، وعمري ما شفت أكتر من كده ظلم".

رسالة لنقابة الموسيقيين

وأكمل: "بقول لـ نقابة الموسيقيين أنا بقالي 5 سنين قاطعين لقمة عيشي، وأنا كل شغلي بره مصر ومعنديش أي شغل في بلدي، إنتوا بتستخدموا السلطة غلط، وبقول لهم ربنا كبير وحرام عليكم".