هيفاء وهبي توجه نصيحة لحمو بيكا.. ومؤدي المهرجانات: قطعوا لقمة عيشي

وجهت الفنانة اللبنانية هيفاء وهبي، نصيحة لمؤدي المهرجانات حمو بيكا، قائلة: "الناس بتحبك وبقول له ركز في شغلك وفي الأغاني الحلوة وهو دا اللي الناس عايزاه منك".

حزن حمو بيكا

ورد حمو بيكا خلال لقائه ببرنامج “مصر جديدة” المذاع على قناة “إي تي سي”: "أنا مش عارف أشتغل أنا بتعجن بس وبيقطعوا لقمة عيشي من أي مكان وأنا ممنوع أغني في أي مكان في مصر، ومحتاج أقف قدام جمهوري ويسمعوا باقي شغلي وجمهوري في مصر مش عارف يقف يتفرج عليا".

إعجاب هيفاء وهبي

لتعقب هيفاء وهبي: "ما تركزش في الهجوم واعمل أغاني حلوة والناس بتحب الأغاني الحلوة منك، والمزيكا بتاعتك هدفها إن الناس تنبسط والاختلاف مطلوب وحلو وأنت مختلف".

الهجوم على هيفاء وهبي

وتابعت: "ما كنتش بستحمل الهجوم لأني ابتديت صغيرة وما كنتش عارفة إيه اللي بيحصل حواليَ، ولكن حمو بيكا إنسان ناضج وعايز يقول هو سند لعائلته ومش عايز حد يهز السند دا وعايز يشتغل، وأنا ما كنتش بقدر أستحمل الهجوم عليَّ لحد لما بقى عندي خبرة واكتشفت إن فيه ناس معينة عايزة تحفظ الناس حاجة وحشة عننا".

نصيحة هيفاء وهبي

وأكملت هيفاء وهبي: "ما تركزش في أي حد بيقول عنك إيه وأنا بحب الأغاني اللي أنت بتغنيها، وسر نجاح أي فنان إنه يركز في شغله وأنا ما بحبش الفنان يتهاجم ولكن مبحبش أي حد يتهاجم يرد على المهاجمين عليه".

حمو بيكا يرد على ذهابه لنقابة الموسيقيين بـ"الملابس الداخلية" لدعم منى زكي

بيعلمه مهارات الإلقاء.. حمو بيكا ينشر فيديو من تدريبه على الغناء استعدادا للاختبارات

ونشر مؤدي المهرجانات حمو بيكا، مقطع فيديو جديد له مع المدرب الموسيقي محمد عبد الستار أثناء تدريبه استعدادًا لاختبارات نقابة المهن الموسيقية.

ونشر حمو بيكا مقطع فيديو خلال التدريبات مع المدرب الموسيقي محمد عبد الستار، عبر صفحته الرسمية بموقع التواصل الاجتماعي "فيس بوك" معلقًا: "أثناء تدريبي مع الدكتور محمد عبد الستار يا مسهل تدريبات لاختبارات النقابة ادعو لي".

وفي السياق ذاته كان بيكا قد وجَّه رسالة لنقيب المهن الموسيقية والفنان هاني شاكر، متمنيًا الرجوع لغناء المهرجانات الشعبية مرة أخرى، وقال: "أنا نفسي أشتغل يغيَّروا اسمي بقى ولا يعملوا اللي عايزينه براحتهم، أنا فيه ناس فاتحة بيوت من ورا مني، أنا لو لوحدي مش هيفرق معايا إنما أنا اللي يهمني الناس اللي معايا".

وتابع بيكا خلال مداخلة هاتفية في برنامج كلام الناس، مع الإعلامية ياسمين عز، عبر شاشة MBC مصر: "أنا فاتح 3 مطاعم وكافيه ومشغل ناس تاني برضه، وأنا مصدر رزق للناس دي، والمطاعم ماكسبتش منها حاجة وبطلع المرتب من جيبي للموظفين".

وأعرب حمو بيكا عن حزنه، واستيائه من حصول زملائه من مطربي المهرجانات على كارنيهات باستثنائه حسب ما وصف؛ إذ قال: "كل مطربين المهرجانات الشعبية أخدوا تصريح من نقابة المهن الموسيقية وكارنيه، ومفيش غيري ممنوع من الغناء لحد دلوقتي، وكان المفروض الامتحان بتاعي مع نقابة المهن الموسيقية اللجنة اللي فاتت، وروحت ورفضوا يدخلوني عشان أمتحن".