السيسي لـ الأقباط: زغرودتكم جميلة وخلوا بالكم من البابا تواضروس | فيديو
هنأ الرئيس عبد الفتاح السيسي، الإخوة الأقباط بعيد الميلاد المجيد، خلال كلمته بكاتدرائية ميلاد المسيح، لتنطلق زغاريد الحضور فرحا بحضور الرئيس.
تهنئة السيسي للأقباط
ورد الرئيس عبد الفتاح السيسي، قائلا: "زغرودة جميلة جدا..مش عايز آخد وقتكم علشان تكملوا صلواتكم وكل سنة وانتم طيبين وإن شاء الله سنة سعيدة وطيبة وخير وسلام وأمان ورحمة ونعمة من الله علينا كلنا".
وصية السيسي للمصريين
وتابع السيسي: "عايز أقول لكم إن احنا في مصر بدأنا طريق عاهدنا فيه ربنا وعاهدناكم وبدأناه مع بعض وإن شاء الله هنكمله مع بعض، الطريق ده الجمهورية الجديدة اللي تتسع للجميع كلنا بدون أي تفرقة أو تمييز ونعيش فيها بسلام وأمان مع بعض وبقول لكل المصريين مش لحد بعينه اوعى حد يدخل بينا أو يفتنا لأن ده مش هينتهي وكل أما ننجح هنواجه قوى الشر".
تحذير السيسي من الفتنة وقوى الشر
وأضاف: "احذر من أي محاولة للتفرقة بين المصريين، وربنا يعيني أكون خادم أمين شريف للبلد، والبلد بلدنا كلنا تسعنا كلنا واحنا موجودين في بيت من بيوت ربنا واللي حامي البلد دي ربنا سبحانه وتعالى ودايمًا ندعوه ونتوسل إليه ونرجوه يحمينا ويبارك لنا وبيسبب الأسباب، والجمهورية الجديدة جمهورية الحلم والأمل والعلم والعمل والقادرة وليست الغاشمة المسالمة وليست المستسلمة وهنبنيها مع بعض وأي تحدي أو صعاب تهون لو احنا كلنا على قلب رجل واحد كلنا مع بعض، وكل عام ومصر بخير وكنت أتمنى أسلم عليكم كلكم وأهنيكم كلكم وربنا يزيح عنا جائحة كورونا ويحمينا ويحميكم وكل سنة وأنت طيب يا قداسة البابا، أنتو ما تعرفوش حجم التقدير والاحترام والمحبة اللي بكنها لقداسة البابا، والرجال توزن بالمواقف والظروف الصعبة جدًّا وقداسة البابا أنتو كمان لازم تخلوا بالكوا منه".
واستقبل شعب الكنيسة القبطية بكاتدرائية ميلاد المسيح بالعاصمة الجديدة الرئيس عبد الفتاح السيسي بالورود والزغاريد ولافتات السيسي رئيسي.
ووصل الرئيس عبد الفتاح السيسي قبل قليل إلى كاتدرائية ميلاد المسيح بالعاصمة الجديدة لتهنئة قداسة البابا تواضروس الثاني بابا الإسكندرية وبطريرك الكرازة المرقسية وأقباط مصر بمناسبة الاحتفال بعيد الميلاد المجيد.
كما بعث الرئيس السيسي ببرقية تهنئة إلى قداسة البابا تواضروس الثاني بابا الإسكندرية وبطريرك الكرازة المرقسية بمناسبة الاحتفال بعيد الميلاد المجيد.
كما هنأ الرئيس السيسى، أقباط مصر بالخارج، بمناسبة عيد الميلاد المجيد.
ويترأس البابا تواضروس الثاني قداس عيد الميلاد المجيد بكاتدرائية ميلاد المسيح وسط إجراءات احترازية مشددة من كورونا حيث يشارك في القداس لفيف من أساقفة الكنيسة القبطية الأرثوذكسية وخورس الشمامسة والذي يترأسه الأرشيدياكون إبراهيم عياد رئيس شمامسة الكاتدرائية بالإضافة إلى عدد من الوزراء الحاليين والسابقين.
