١٦ ألف جنيه ديونًا للبقال والإيجار.. طليقة الموظف نور عاشور تكشف أسباب انتحاره
كشفت نشوي عبد الفتاح، طليقة الموظف نور عاشور الذي انتحر بعد تعسف مدير شركته معه لكثرة دخوله الحمام، أن إجمالي مبلغ الديون المتراكم على طليقها المنتحر ١٦ ألف جنيه.
وأوضحت نشوي لفيتو أن الديون كانت أغلبها للإيجار وأقساط تليفونات، قائلة: "كانت الديون ما بين بقال وإيجار شقتنا وأقساط تليفونات لأولادنا".
خلافات الموظف المنتحر مع المدير
وأوضحت: "نور عاشور كان يواجه خلافات مع مدير الشركة، والكل بيقول لي إن المكان اللي شغال فيه بيفضلوا يعصروا في الموظف علشان تحقيق الأرقام".
من جانبها قالت روشان البغدادي، زميلته: "لما وصلت الشغل كان لسه زميلي واقع على دماغه، وأنا مش قادرة أتخطى هذا المشهد".
وقالت البغدادي: "زميلي كان عايز ينزل على دماغه عشان يتأكد من وفاته"، مشيرة إلى أن هناك تعسفًا من المديرين بالشركة، متابعة: "المهم عندهم تحقيق التارجت دون مراعاة للعاملين بالشركة".
أعلى راتب في الشركة
واستطردت: "لما وصلت الشركة كان لسه واقع وجسمه متكسر وكان لسه بيتنفس، ولكن الدم كان بينزف من رأسه ومحدش لحقه"، مضيفة: "الشركة يعمل بها الآلاف وهي عالمية وأعلى راتب لا يتجاوز الـ 4000 جنيه".
مديونيات الموظف المنتحر
وتابعت: "للأسف نور عاشور موِّت نفسه علشان مديونيات بـ15 ألف جنيه ومشاكل في الشركة".
وأضافت روشان البغدادي: "زميلي كان مشتري أجهزة كهربائية لبيته وكان مستني يقبض البونص عشان يسدد مديونياته البالغة 15 ألف جنيه"، لافتة إلى أن أقصى مرتب في الشركة لموظف الكول سنتر الذي يجيد الإنجليزية بطلاقة يبلغ 4000 جنيه.
