الصور الأولى للموظف المنتحر داخل شركة بالتجمع الخامس

حصلت فيتو على الصور الأولى للموظف “نور” المنتحر بسبب تعسف مديره معه بالتجمع الخامس، مع أولاده ياسين ويوسف.

وكانت “نشوى” طليقة المجني عليه، قالت لـ"فيتو": "نور كلمني رغم انفصالنا عن بعض من ٦ شهور.. قالي أنا حاسس أنهم بيدبرولي حاجة علشان امشي قبل ما اخد البونص بتاعي.. بيتلككولي كتير".

وأضافت أن مبلغ البونص الذي كان ينتظره نور يصل لحوالي ٣٥ ألف جنيه، قائلة: "كان نايم قايم بيحلم يقبضهم علشان يسدد ديونه ويعرف يدي الأولاد دروس".

خلافات الموظف المنتحر مع المدير
 

وأضافت روشان البغدادي، زميلة نور: "لما وصلت الشغل كان لسه زميلي واقع على دماغه، وأنا مش قادرة أتخطى هذا المشهد".

وقالت البغدادي: "زميلي كان عايز ينزل على دماغه عشان يتأكد من وفاته"، مشيرة إلى أن هناك تعسفًا من المديرين بالشركة، متابعة: "المهم عندهم تحقيق التارجت دون مراعاة للعاملين بالشركة".

أعلى راتب في الشركة
ولفتت: "لما وصلت الشركة كان لسه واقع وجسمه متكسر وكان لسه بيتنفس، ولكن الدم كان بينزف من رأسه ومحدش لحقه"، مشيرة إلى: "الشركة يعمل بها الآلاف وهي عالمية وأعلى راتب لا يتجاوز الـ 4000 جنيه". 

مديونيات الموظف المنتحر
وتابعت: "للأسف نور عاشور موِّت نفسه علشان مديونيات بـ15 ألف جنيه ومشاكل في الشركة".

وأضافت روشان البغدادي: "زميلي كان مشتري أجهزة كهربائية لبيته وكان مستني يقبض البونص عشان يسدد مديونياته البالغة 15 ألف جنيه"، لافتة إلى أن أقصى مرتب في الشركة لموظف الكول سنتر الذي يجد الإنجليزية بطلاقة يبلغ 4000 جنيه