أحمد كامل يحيي حفلا غنائيا في الإسماعيلية 24 ديسمبر
يستعد المطرب الشاب أحمد كامل لإحياء حفل غنائي في مدينة الإسماعيلية بأحد الفنادق الخاصة وذلك يوم 24 ديسمبر الجاري.
ومن المفترض أن يقدم أحمد كامل باقة من أغانيه الجديدة والقديمة من أبرزها: "على عيني"، "ما بقتش أخاف من الليل"،"كان في طفل"، وغيرهم.
أحمد كامل
وفي سياق آخر يواصل المطرب أحمد كامل العمل على أغنية جديدة بعنوان "لعبتها" من المفترض طرحها خلال الفترة المقبلة.
والأغنية من كلمات الشاعر مصطفى ناصر وتقول كلماتها:
ماكنش فـ بالي تخلص لعبتك دلوقت
واشوفني جوة عينك عمري يوم ما فرقت
مشيت للخوف برجليا.. وفكرتك سنين جاية
واتاريني فـ عينيكي كنت حبة وقت.
المغني أحمد كامل
وكان أحمد كامل طرح أغنية على عيني عبر موقع الفيديوهات الشهير "يوتيوب"، ولاقت ردود فعل إيجابية من جمهوره عبر مواقع التواصل الاجتماعي.
أغنية على عيني
وتقول كلمات أغنية على عيني: "أنا كداب.. أنا ما نستش فضلت أستنى واتاري حكايتنا اللي ما استنتش ومهما بغني لغيابك وللنسيان رجوعك غنوة لسه في قلبي ما تغنتش أشوفك فين.. وحشتيني غيابك مش وجع هيروح.. ده شوك ماشي في شراييني بقيت ما أكرهش سيرة الموت عشان أنا مت فعلًا".
"لما نسيتيني على عيني اشوفك جاية قدامي وابص بعيد على عيني تفوت بينا الليالي وتنتهي المواعيد على عيني اقول للناس.. حكاية وانتهت وخلاص وانا فـ سري بحبك تاني كل ما اقول هحب جديد تعبت خلاص من التمثيل أنا لا بخير ولا قلبي بقى عايش ومش بيميل بتوّه نفسي فـ الدنيا والاقيني بقول الصبح انا كويس.. واموت بالليل طلعتي لسة ويايا وما نستكيش ولا هنسى.. ولا وجعي ده ليه نهاية فرحت إني بقيت مابكيش قصاد الناس واتاري دموعي نزلت مني جوايا".
حالة نفسية سيئة
وشوق المطرب أحمد كامل جمهوره ومتابعيه قبل أيام من طرحه للأغنية، وذلك عبر حسابه على موقع الصور الشهير إنستجرام.
وأعلن المطرب أحمد كامل في وقت سابق مروره بحالة نفسية سيئة، خاصة في ظل ظروف كورونا، حتى إنه وصل لمرحلة الاكتئاب.
وكتب أحمد كامل، عبر خاصية "الإستوري" بحسابه على "إنستجرام": "بقالي فترة طويلة جدًّا مليش نفس أغني، وبعمل أغاني بسمعها لوحدي، حالة عمري ما وصلت لها، ومفيش بني آدم واخد باله من اللي أنا فيه، شبه مكتئب، بس من ناحية كام حاجة، وبقيت بحس إن الأغاني شغل وبس، وبدأت أفقد الشغف تجاه الشيء الوحيد اللي حبيته من كل قلبي، ومستنتش منه يحبني، بس هو حبني وبعتكم ليا".
