سليمان عيد: كنت هتجوز بنت جميلة في 5 ابتدائي | فيديو
كشف الفنان سليمان عيد، خلال لقائها ببرنامج "سهرانين" الذي يقدمه الفنان أمير كرارة، المذاع على قناة "أون إي"، عن تفكيره الزواج في سن صغيرة.
سليمان عيد يكشف عن أول قصة حب له
وقال سليمان عيد: "أول مرة فكرت أتجوز كنت في أولى إعدادي والبنت اللى كنت عايز أتجوزها كانت في 5 ابتدائي، وكانت بتعدي من قدامي وحلوة أوي".
سليمان عيد يكشف ملامح الحب الأول
وتابع: "البنت اللي كنت بحبها كانت جميلة وكنت أبص لها وأقول لها إيه الجميلة الأمورة دي، وكنت أحارب وأهرب من المدرسة علشان أشوفها".
جواب سليمان عيد الغرامي لحبيبته في ابتدائي
وأكمل: "أول جواب غرامي كتبته للبنت اللى كنت بحبها وعايز أتجوزها، كتبت لها بحبك غلط "باحبك" وقعدت تتريق عليا، ولما دخلت أولى ثانوي اتعرفت على أخوها وأحرجت أكلمه عن حبي لها، وفضل الموضوع جوايا لحد لما أتجوزت وكان جوايا معاناة مع نفسي وأكتب شعر وأسمع عبد الحليم".
عداء سليمان عيد لأهله بسبب حبيبته
ولفت: "في أولى إعدادي روحت لأبويا وقلت له عايز أتجوزها علشان أضمنها ومتروحش مني فزعقلي، فكتبت قصيدة وهاجمت فيها أهلي".
لقاء روجينا وأشرف زكي في برنامج سهرانين
واستضاف الفنان أمير كرارة الأسبوع الماضي خلال نفس البرنامج، الفنانة روجينا وزوجها الدكتور اشرف زكي نقيب المهن التمثيلية، وكشفا الكثير من الأسرار.
وكشفت الفنانة روجينا، كواليس مشاجرتها مع زوجها الدكتور أشرف زكي نقيب المهن التمثيلية، خلال فترة الخطوبة.
خطوبة روجينا وأشرف زكي
وأضافت روجينا خلال لقائها ببرنامج "سهرانين" الذي يقدمه الفنان أمير كرارة بقناة "أون إي": "أشرف زكي عصبي جدًّا، وبيتعصب باللغة العربية أول لما يتخانق معايا، وفي الخطوبة عملنا حفلة على الضيق لأن مكنش معانا فلوس فهو عزم كل المطربين وفجأة لقيت محمد منير ومدحت صالح وحسن الأسمر وقتها رقصت من كتر فرحتي وقتها اتضايق واتخانق معايا".
مشاجرة خطوبة روجينا وأشرف زكي
وتابعت: "أشرف زكي اتضايق واتخانق معايا بسبب رقصي وقال لي هو أنت مش هتبطلي، وقامت الخناقة وجه رمى الدبلة في البيت وقال لي إنتي لا تصلحي وغير متحملة المسؤولية".
