محمد كيلاني لمهاجميه: أنا قادر أرد على كل واحد بيجيب سيرة أهلي
نشر الفنان محمد كيلاني صورة "سلسلة" مدون عليها اسم نجله حمزة، عبر حسابه الشخصي على موقع تبادل الصور والفيديوهات "إنستجرام".
وشن "كيلاني" هجوما عنيفا على منتقديه قائلا:" لابس سلسلة عليها اسم ابني وبعتز بيها جدا ولو فكرة اني قلعها هتخليني راجل زيك فاميشرفنيش اني اقلعها.. قادر ادخل أرد على كل واحد بيجيب في سيرتي وسيرة أهلي بس أبويا اللي رباني ومش عجبك تربيته ده علمني اني مردش من ورا كيبورد ولو هرد فاهرد في الوش وديك سمعت اتخنقت مع ٦٠ راجلا بس انت هتبقي محتاج معاك ٦٠٠٠".
صباح الفل.
أغنية القلب الأبيض
فاجأ الفنان محمد كيلاني الجمهور بعودته إلي الغناء بـ أغنية جديدة بعنوان "القلب الأبيض" التي تم طرحها منذ أيام وذلك بعد غياب 10 سنوات.
وكشف "كيلاني" سبب ابتعاده عن الغناء لمدة 10 سنوات من خلال لقائه في برنامج "et بالعربي"
وقال محمد كيلاني خلال اللقاء:" ابتعادي عن الغناء كان بسبب المشاكل اللي بتواجه أي مطرب مشاكل متعددة وأنا لما رجعت كنت حابب أرجع بـحاجة مختلفة وأغنية "القلب الأبيض" أنا أشتغلت عليها كتير وكمان أعدت توزيعها من أول وجديد.
وتقول كلمات أغنية محمد كيلاني الجديدة "القلب الأبيض": “علمناهم التجارة سبقونا على البيع يا سلام سيدي سيدي على الشطارة لا كده ده أحنا بقينا تمام والوش الاولاني دهب قشرة وغواني فى تحته حد تاني خد راحتك قول وماله خلينا نشوف اخرك إيه مش أول حد جاله فرصه يبيع قال يشتري ليه ومخطط كل حاجه راحت فين السذاجه كداب لأ وبشياكه.
بقي عينك ف عينه ويلف عليك ويحوم ويدور واللي مديتله ايدك عد صوابعك بعده شهور بعد عمايله عشانا دلوقتي احنا اتركنا ماخلاص بقي راح زمانا ايه اللي جرا للحبايب ده بقي اللعب علي المكشوف عيشنا وشوفنا العجايب فجأة كده مافيش اي كسوف دي الكدبة وصدقوها الا ماحاولوا يداروها ولا حتي يزوقوها".
سر اختيار الأغنية
وكشف محمد كيلانى عن اختياره وتحضيره لأغنية "القلب الأبيض" منذ عام، وأشار إلى أنه قام بتعديلها أكثر من مرة حتى استقر على الشكل النهائى لها، وصرح محمد كيلاني بقوله: أعجبت بها لأنى وجدتها شبهى وكلماتها فيها تحدٍّ، ومصارحة، ومواجهة وأتمنى أن تصل إلى الجمهور وتنال إعجابهم، كما اعتادوا مني قبل غيابي.
خطة فنية لكيلاني
أكد محمد كيلانى أن عودته للغناء من خلال خطة فنية، ستحمل العديد من المفاجآت، حيث قرر أن يعود لجمهوره بشكل مكثف، ويقدم مجموعة من الأغنيات على فترات متقاربة، كما سيقوم بتصوير أكثر من أغنية، هذا بالإضافة إلى مشاركته فى حفلات موسم الصيف.
أغنية "القلب الابيض" من كلمات منة القيعى وألحان إيهاب عبد الواحد وتوزيع موسيقى محمد عاطف الحلو ومن إنتاج شركة MusicYard ومن توزيع شركة Digital Sound.
