ميدو يوجه رسالة غاضبة للأهلي وينصح جنش بالاعتذار

عبر أحمد حسام "ميدو"، المدير الفني السابق لـ نادي الزمالك، عن غضبه ممن لا يشيدون بنادي الزمالك عندما يحقق بطولات، قائلًا إن الزمالك اجتهد  ويستحق أن يفوز ويصبح البطل، خاصة بعد أن فقد عددًا من لاعبيه في وسط الموسم الكروي، لكن الفريق أصر على الفوز.
وقال ميدو إنه "زعلان" من محمود جنش، حارس مرمى الزمالك، ونصحه بعدم فقدان النقطة وأن يذهب للزمالك ويعتذر للفريق والجهاز الفني.  

رسالة ميدو الغاضبة

وكتب أحمد حسام ميدو تغريدة على تويتر قال فيها: "لما #الاهلي بيكسب بطوله بنقول براڤو الناس دي منظمين ويستحقوا..الجديد اللي اول مره اشوفه ان في اهلاويه كتير بيقولوا كلام غريب!لجنة الحكام وتعليمات من فوق..ليه الناس ماتقولش براڤو #الزمالك قفلوا على نفسهم واشتغلوا صح ويستحقوا يكسبوا..الزمالك اشتغل صح وبعد عن المهاترات.الزمالك البطل".

ميدو: غياب السولية ومحمد شريف أثر على الأهلي

ميدو يهاجم اتحاد الكرة: بيعدل المباريات على كيفه وحول الدوري لدورة رمضانية

وأضاف: "مفيش مثالية في الحياة ولا طبعا في الكوره بس لازم نحترم بعض واللي يشتغل صح نقدره ونسقفله..#الزمالك السنه دي وقع وقام وقف على رجله وهيبقى بطل الدوري..البطل الحقيقي اللي لما بيخسر بيسقف للكسبان ويقولوا مبروك اشوفك السنه الجايه..هي دي روح البطل مش الكلام التعبان اللي بنسمعه!!". 

وتابع ميدو: "#الزمالك فقد لاعيبه مهمه في وسط الموسم لكن رجالته كان عندها اصرار انهم يكسبوا ويعوضوا اي حد..لسه الدوري ماخلصش..لسه ٩٠ دقيقه..قاتلوا حتى النهاية..دوري السنه دي هيكون رساله للولاد الصغيره في النادي ان البطل لازم يقاتل مهما كانت الظروف..". 

زعلان من جنش

وقال: "زعلان من جنش جدا لاني بحبه وعارف انه جدع..الناس بتحبك يا جنش علشان عارفين انك جدع نصيحتي ليك اوعى تفقد النقطه دي!! روح النادي اعتذر لزمايلك والجهاز واقفل الموضوع..كل الزمالكاوية بيحبوك..". 

يذكر أن الفرنسي كارتيرون المدير الفني لفريق الزمالك خروج الحارس محمود "جنش" من قائمة الفريق لنهاية الموسم بسبب الاعتراض على قرارات الجهاز الفني بالجلوس على دكة البدلاء في مباراة سيراميكا.

وأوضح المدرب الفرنسي كارتيرون، خلال المؤتمر الصحفى، أن الحارس محمود جنش عقب إبلاغه بعدم اللعب أساسيا في المباراة أمام سيراميكا قام بمغادرة معسكر الفريق دون إبلاغ أحد.  

يذكر أن نادي الزمالك واصل تربعه على قمة جدول ترتيب الدوري، بعد الفوز على نظيره سيراميكا 2-1 فى المباراة التى جمعت الفريقين على استاد السويس، ضمن مواجهات الجولة رقم 32 من بطولة الدوري المصري الممتاز.