بكاء نيللي كريم وإيناس الدغيدي في "شيخ الحارة" | فيديو

انهارت الفنانة نيللي كريم من البكاء خلال برومو الجزء الثاني من لقائها ببرنامج "شيخ الحارة والجريئة" المذاع على قناة "القاهرة والناس".

بكاء إيناس الدغيدي
المخرجة إيناس الدغيدي مقدمة البرنامج لم تتمالك هي الأخرى دموعها لتسقط بعد بكاء نيللي كريم.


واقعة مؤثرة لـ نيللي كريم
وقالت الفنانة نيللي كريم: "في يوم من الأيام خلصت المكياج وكل حاجة وكان فيه مراية في الجنب وأنا معدية بصيت فيها وقلت: هي مين دي وانهرت من البكاء ومقدرتش أستحمل".

وكشفت الفنانة نيللي كريم لأول مرة خلال الجزء الأول من نفس البرنامج، عن تعرضها للخيانة.

الموقف من الخيانة الزوجية
وتابعت: "مقدرتش أغفر الخيانة اللي اتعرضت لها وأخدت موقف، ممكن أتناسى الخيانة لكن مغفرش، والناس بتطلق علشان العشرة بقت وحشة".

وأضافت: "مش ممكن أبدًا أرد الخيانة بخيانة ولو بعد حين لأني أحسن من كده".

سبب الانفصال
وعن أسباب انفصالها عن زوجها بعد ارتباط استمر 11 عامًا، أوضحت نيللي كريم: "مكنش فيه تفاهم ونكدنا على بعض، ولكن أنا نكدي أجنبي وبيقلب بسكوت وباخد قراري فجأة وأنا اللي طلبت الطلاق".

الزيجة الأولى
وكشفت الفنانة نيللي كريم عن مفاجأة في أول زيجاتها قائلة: "أول جوازة ليا كانت من ورا أهلي وكان عندي وقتها  17 سنة ولو بنتي عملت كده هقتلها".

خطأ الزيجة الأولى
وتابعت: "بالرغم من أني كنت غلطانة في الزواج بدون علم أهلي إلا أني مش ندمانة لأني اتجوزت وخلفت أحلى ولدين في الدنيا كريم ويوسف وربنا يخليهم ليا".

رفض الأهل الزواج
وأضافت: "أهلى رفضوا أتجوز علشان أنا كنت صغيرة، ومهربتش، علشان كده اتجوزت من وراهم لأن أبويا كان توفى وأخويا مكنش هيوافق وأمي كانت رافضة، روحت اتجوزت من وراهم وبعدين روحت قلت لأخويا وكان غضبان جدًا".

حادثة الإسكندرية
وأكملت: "لما قلت لأخويا كان سايق العربية وكنا راجعين من إسكندرية فكان رد فعله: أنا هقتل جوزك ده، فقلت له مش هيحصل، وأخدت دركسيون العربية وقلبتها وعملنا حادثة والعربية اتقلبت 8 مرات في الرمل وكنا الساعة 12 بالليل، وقتها أخويا اتخض وأنا اتخضيت من رد فعلي ولكن أنا جريئة".